Pramāṇa · Search · About · API

Vidhimargaprapa 77

Vidhimārgaprapā 77

Language
Sanskrit

77.1

iti śrīvijayasenasūriśiṣyaśrīmadudayaprabhasūriviracite śrīdharmābhyudayanāmni
śrīsaṅghapaticarite lakṣmyaṅke mahākāvye harivijayo nāma
trayodaśaḥ sargaḥ
viśvasminnapi vastupāla ! jagati tvatkīrtivisphūrtibhiḥ,
śvetadvīpadi kālikākalayati svarmāṃlikānāṃ mukham
yattaistāvakakīrtisaurabhamadānmandāramanpādare,
varge svargasadāṃ sadā cyutanijavyāpāraduḥsthaiḥ sthitam

77.386

granthāgram 430 || ubhayam 4690
naikaṃ keśavasainyāni, tāpayantaṃ hutāśanam | maho'pi magadheśasya, śāntiṃ ninyustadā'mbudāḥ

77.387

dhṛtendracāpo nistāpaḥ, śarāsāraistadā'mbudaḥ | śrīnemiriva nīlaśrīrarisainyāni baddhavān

77.388

vilokayan nṛpo meghadhārāsārākulaṃ balam | yaśomālinyamucchettuṃ, mumuce'straṃ sa pāvanam

77.389

drutaṃ vidudruve vātairdhanaḍambaramambarem | magadheśapratāpaśca, bhāsvān duḥsahatāmadhāt

77.390

saṅkocaṃ pṛtanāṅgeṣu, kurvāṇaṃ amidurdharam | vāyuprakopaṃ hanti sma, harivītāśanauṣadhaiḥ

77.391

yaśaḥkṣīraṃ ca vātaṃ ca, pītvā te magadheśituḥ | pratāpadīpaṃ phūtkāraiḥ, śamayanti sma pannagāḥ

77.392

atho phaṇiphaṇāghātakātarāṃ vīkṣya vāhinīm | mumocāstraṃ nṛpo dhairyacāru gāruḍamutkaṭam

77.393

tatapakṣāstato lakṣasaṅkhyā rurudhuruddurāḥ | garuḍā gaganaṃ merukulotpannā ivādrayaḥ

77.394

garuḍairatha kaṃsārirnāgāstre viphalīkṛte | bhāsvānapi mumocāstraṃ, tāmasaṃ nāma saṅgare

77.395

vidadhānaistadā'pāstavācaṃ mārtaṇḍamaṇḍalam | andhakārairajaṃgnetravandikārairvijṛmbhitam

77.396

valitaiḥ skhalitairaṅgairnijaireva parairiva | apaśyanto'pyavadhyanta, jarāsandhavale bhaṭāḥ

77.397

mumocāstramatha prauḍhavairo vairocanaṃ nṛpaḥ | pratāpaikha tad bhānumārairāvirbabhāvi khe

77.398

mūleṣu jagmurnāgānāṃ, turaṅgi-rathi-pattayaḥ | nārāyaṇabale tāpākrāntā yāntu ka dantinaḥ ?

77.399

āhvai rāhvīyāstraṃ, nidadhe'tha yadūdvahaḥ | celustataḥ karālāsyā, rāhavo bahavo'mbare

77.400

agilannatha mārtaṇḍamaṇḍalāni sahasraśaḥ | ākāśadruphalānīva, te pakṣiṇa iva kṣaṇāt

77.401

atṛptā iva mārtaṇḍamaṇḍalairgilitairatha | vidhumnāntyeva te'dhāvan, paravīrānanānyabhi

77.402

līlāniṣphalatāśeṣadivyāstreṣu pramāthiṣu | rāhuṣvatha krudhā cakraṃ, praticakrī mumoca tat

77.403

bahūnāmapi rāhūṇāmathā''dhāya vadhaṃ yuvi | hariṃ pratyacalaccakraṃ, sahastrāṃśusahasraruk

77.404

sammūya yadubhirmuktānyapi śastrāṇi bhasmayat | dāvapāvakavaccakraṃ, vanamālinamabhyagāt

77.405

āsanne'pi tadā''yāte, cakre'sminnarkakarkaśe | nā'gād govindavaktrendurmandimānaṃ manāgapi

77.406

tadā yādavasainyānāmākulaistumulāravaiḥ | paramārthavido'pyantaśśuśruvuḥ kuladevatāḥ

77.407

kuddhalīmuktatāḍaṅkatāḍaṃ kaṣṭapradaṃ tadā | nābhipiṇḍikayā cakraṃ, tat pasparśa hareruraḥ

77.408

utko yāvajjarāsandhaḥ, paśyatyariśiraśchidām | tāvad viṣṇoḥ kare cakraṃ, dadarśa vyomni mānuvat

77.409

abhavad vāsudevo'dya, navamo'yamiti bruvan | viṣṇau vyadhita gandhānbu-puṣpavṛṣṭiṃ suravrajaḥ

77.410

pūrvābdhiriva kallole, raviṃ cakraṃ kare dadhat | atha kṛṣṇaḥ kṛpāviṣṭo, jarāsandhamado'vadat

77.411

ājīvamaṅgirājīvabhramarībhūya bhūyasīm | bhaja lakṣmīṃ jarāsandha !, vandyo ! sandhohi jīvitam

77.412

athāmyadhājjarāsandho, mudhā govinda ! mādyasi | maducchiṣṭena labdhena, cakreṇa cchatradhāravat

77.413

taduccairmuñca muñcāho !, cakraṃ māṃ prati samprati | re re ! madīyamevedaṃ, pramaviṣyati no mayi

77.414

tataḥ kṛṣṇakaronmuktaṃ, sphuliṅṅgaiḥ piṅgayad diśaḥ | tadāyudhaṃ jarāsandhaskandhabandhaṃ dvidhā vyadhāt

77.415

caturthe narakaṃ ninye, jarāsandhaḥ svakarmabhiḥ | jayojvalastu kṛṣṇo'sthād, vasudevāgamotsukaḥ

77.416

jarāsandhavadhaṃ śrutvā, tadvaddhaiḥ khecarairitaḥ | vimucya raṇasaṃrambhaṃ, vasudevaḥ samāśritaḥ

77.417

gṛhītopāyanaiḥ sākaṃ, tairvidyādharapuṅgavaiḥ | pradyumna-sāmbavān kṛṣṇaṃ, vasudevaḥ samāyayau

77.27

loladambhoruhakarai, rasadvistarataraṅgakaiḥ | nipatya capalaiḥ kāntāvakṣojeṣu vyalīyata

77.28

jalayantrojjhitaṃ nīraṃ, muhurmārjayataḥ karāt | saṅkrāntamiva rāgeṇa, tadā netreṣu yoṣitām

77.29

strīṇāṃ tadā karāghātairjale garjati meghavat | nṛttā grīṣmamapi prāvṛṭkālyanti sma kekinaḥ

77.30

manomude varaṃ muktvā, devaraṃ prati neminam | tāstataścakrire nīraprapañcaṃ narmakarmaṭhāḥ

77.31

karoddhūtairhaṣāṃ pūrairatha tāsāṃ nirantaraiḥ | tadā na vivyathe nemirbdamuktairivācalaḥ

77.32

samantataḥ samaṃ tābhiḥ, kṛtapratikṛtau kṛtī | cikrīḍa neminātho'pi, tadā pāthobhiradbhutam

77.33

iti khelantamālokya, tadānīṃ neminaṃ mudā | kṛtārthīkṛtadṛk tasthau, ciraṃ payasi keśavaḥ

77.34

nirgatya sarasastīre, tadā tasthuḥ sasambhradāḥ | abdevya iva dedīpyamānā mādhavayoṣitaḥ

77.35

atha niḥsṛtya dantīva, neminātho'pi palvalāt | latābhiriva kāntābhistābhinryasi pade yayau

77.36

prahṛṣṭā rukmiṇī rukmapīṭhe nemiṃ nyaveśayat | vāsasā dāsasāmānyamaṅge cāsya mṛjāṃ vyadhāt

77.37

athā''ha rukmiṇī nemināthaṃ madhurayā girā | ahaṃ kiñcana vacmi tvāṃ, devaraṃ deva ! rañjitā

77.38

jitaṃ balena kāntyā ca, keśavaṃ bāndhavaṃ jaya | vidhāya baddhasambandhamavarodhavadhūjanam

77.39

śrīnāmeyādayastīrthakarāḥ ke na mumukṣavaḥ ? | pariṇīya samutpannasūnavo dadhire vratam

77.40

tvamapyato vivāhena, pitṛ-bhrātṛ-suhṛjjanam | ānandaya dayāsāra !, dayāsthānamidaṃ mahat

77.41

ityuktvā rukmiṇī satyabhāmāprabhṛtibhiḥ saha | papāta pādayornemeḥ, pāṇigrahakṛtāgrahā

77.42

tataḥ satṛṣṇaḥ kṛṣṇo'pi, pāṇigrahamahotsave | kurvannabhyarthanāṃ nemeḥ, pāṇau dīna ivālagatū

77.43

anye'pi yadavaḥ sarve, vivāhe vihitāgrahāḥ | babhūvurnemināthasya, puraḥ paṭṭucaṭūktayaḥ

77.44

striya etā amī mūḍhāstadepāmitthamāgrehe | kālaninirgamanaṃ kartuṃ, yuktaṃ vacanamānanam

77.45

kadācidapi lapsye'hamihārthe sandhidūṣaṇam | dhyātvedamomiti proce, śrīnemistānamodayat

77.46

śivā-samudravijayau, tatkathākathake nare | dātuṃ nāpaśyatāṃ vastu, rājye'pyānandamānataḥ

77.47

svabandhorucitāṃ kanyāmanviṣyannatha keśavaḥ | abhāṣi bhāmayā''ste yanmama rājīmatī svasā

77.48

hariḥ smṛtvā'tha tāṃ smitvā, yayau yadu-balaiḥ samam | nivāsamugrasenasya, nabhodeśamivāṃśumān

77.49

abhyutthāyograseno'pi, viṇvaksenenaṃ sasambhramaḥ | bhadrapīṭhe niveśyāgre, tasyāvādeśalālasaḥ

77.50

yācito nemaye rājīmatīṃ kṛṣṇena sa svayam | tatheti pratipadyātha, sañcakre cakriṇaṃ mudā

77.51

tataḥ kṛṣṇena vijñaptaḥ, samudravijayo nṛpaḥ | vivāhalagnamāsannaṃ, pṛṣṭavān kroṣṭukiṃ tadā

77.52

datte'tha śrāvaṇaśvetaṣaṣṭhyāṃ kroṣṭukinā dine | ugrasena-samudrorvīnāthau tūrṇamasajjatām

77.53

atha pāṇigrahāsannadine nemiṃ yadustriyaḥ | prāṅmukhaṃ sthāpayāmāsustāraprārabdhagītayaḥ

77.54

tamasnapayatāṃ prītyā, rāma-dāmodarau svayam | baddhapratisaraṃ nemiprabhuṃ, nārācadhāriṇam

77.55

agādayadograsenasya, niketaṃ tārkṣyaketanaḥ | svayaṃ tadvidhinā rājīmatīmapyadhyavāsayat

77.56

athā''gatya gṛhaṃ viṣṇurimāṃ nirvāhya śarvarīm | mudā saṃvāhayāmāsa, vivāhāya jagadgurum

77.57

atha śvetāṃśuvallokadṛkkera vikāsakaḥ | śrīnemiḥ śvetaśṛṅgāraḥ, śvetāśvaṃ rathamāsthitaḥ

77.58

tūryanirghoṣasaṃhūtapuruhūtavadhūjanaḥ | vandivṛndamukhonmuktaiḥ, sūktairmukharitāmbaraḥ

Linked texts (2)