Vidhimargaprapa 8
Vidhimārgaprapā 8
- Language
- Sanskrit
8.2
annattha ūsasieṇaṃ’ iccāi | ujjoagaraṃ ciṃtiya sāgaravaragaṃbhīrā jāva pāriya, cauvīsatthayaṃ paḍhai
tao paṃcamaṃgalamahāsuyakkhaṃdhāiuvahāṇatavauddesaniṃdithirīkaraṇatthaṃ aṭṭhassāsaṃ ussaggaṃ kāuṃ namokkāraṃ bhaṇittā,
khamāsamaṇadugadāṇapuvvaṃ puttiṃ pehiya vaṃdaṇaṃ dāuṃ bhaṇai—‘icchākāreṇa saṃdisaha, paveyaṇaṃ paveyaha’ | gurū
bhaṇai—‘paveyaha’ | tao vaṃdiya bhaṇai—‘paṃcamaṃgalamahāsuyakkhaṃdhaduvālasamapavesanimittaṃ2 tapu karahaṃ
gurū bhaṇai—‘kareha’ | vaṃdiya uvavāsāitavaṃ karei, vaṃdaṇaṃ dei | tammi ceva samae posahaṃ karei sajjhāe vā 30
karei | tattha posahavihī savvo vi kīrai
evaṃ lihittā esā gāhā lihijjaisammattamūlamaṇuvayakhaṃdhaṃ uttaraguṇorusāhālaṃ
gihidhammadamuṃ siṃce saddhāsalileṇa sivaphalarya
tao gurukamaṃ lihittā amugagaṇaharapāyamūle amugasaṃvacchara-māsa-tihīsu amugeṇa amugīe vā eso
sāvagadhammo paḍivaṇṇo tti pariggahapamāṇaṭippaṇavihī
pariggahaparimāṇavihī samatto
8.3
§5. paḍivannadesaviraiyassa visidvatarasaddhassa saṅghassa chammāsiyaṃ sāmāiyavayaṃ ārovijjai | tattha ya
ceiyavaṃdaṇāivihī hiṭṭhillo ceva | navaraṃ, kāussaggāṇaṃtaraṃ ahiṇavamuhapottiyā vāsavinnāsapuvvaṃ samappaṇīyā
tīe ya teṇa chammāse jāva ubhayasaṃjhaṃ sāmāiyaṃ gaheyavvaṃ | tao navakāratigapuvvaṃ 'karemi bhaṃte sāmāiyaṃ
sāvajjaṃ jogaṃ paccakkhāmi, jāva niyamaṃ pajjuvāsāmi, duvihaṃ tiviheṇaṃ maṇeṇaṃ vāyāe kāeṇaṃ, na karemi
na kāravemi, tassa bhaṃte paḍikkamāmi niṃdāmi garihāmi appāṇaṃ vosirāmi |' tahā 'davvao khettao kālao
bhāvao | tattha davvao sāmāiyadavvāī ahigicca; khettao ṇaṃ iheva vā annattha vā; kālao ṇaṃ jāva
chammāsaṃ; bhāvao ṇaṃ jāva rogāyaṃkāiṇā pariṇāmo na parivaḍai, tāva me esā sāmāiyapaḍivattī |' iti
daṃḍago vāratigamuccāraṇīo | sesaṃ puvvi va daṭṭavvaṃ
ii sāmāiyārovaṇavihī
8.4
§6. aṃgīkayasāmāieṇa ya ubhayasaṃjhaṃ sāmāiyaṃ gaheyavvaṃ | tassa eso vihī-posahasālāe sāhusamīve
gīhagadese vā khamāsamaṇadugapuvvaṃ sāmāiyamuhapottiṃ paḍilehiya paḍhamakhamāsamaṇeṇa 'sāmāiyaṃ saṃdisāvemi, bīyakhamāsamaṇeṇa sāmāie ṭhāmi' tti bhaṇiūṇa puṇo vaṃdiya, addhāvaṇao namokkāratigapuvvaṃ 'karemi
bhaṃte sāmāiyaṃ-iccāidaṃḍagaṃ-vosirāmi' pajjaṃtaṃ vāratigaṃ kahiya, khamāsamaṇeṇa iriyāvahiyaṃ paḍikkamiya,
khamāsamaṇadugeṇaṃ vāsāsu kaṭṭāsaṇaṃ, uḍubadve pāuṃchaṇaṃ, khamāsamaṇadugeṇa sajjhāyaṃ ca saṃdisāviya, puṇo
vaṃdiya navakāra'ṭṭhagaṃ bhaṇai | tao sīyakāle paṃguraṇaṃ saṃdisāvei | saṃjhāe sajjhāyāṇaṃtaraṃ kaṭṭāsaṇaṃ saṃdisāvei tti | jai puṇa kayasāmāiyaṃ posahaittaṃ vā, koi kayasāmāio posahaitto vā vaṃdai, tayā 'vaṃdāmo'
tti vattavvaṃ, jai iyaro vaṃdai tattha 'sajjhāyaṃ kareha'tti vattavvaṃ | jahaṇṇao vi ghaḍiyādugaṃ suhajjhāvasāeṇa
ciṭṭhiṇa, tao muhapottiṃ paḍilehiya paḍhamakhamāsamaṇe 'sāmāiyaṃ pārāveha'-gurū āha-'puṇo vi kāyavvaṃ'
bīyakhamāsamaṇe 'sāmāiyaṃ pāremi'-gurū āha-'āyāro na muttavvo' | tao navakāratigaṃ bhaṇiya,
'bhayavaṃ dasannabhaddo' iccāigāhāo bhūminihiasiro bhaṇai
iya sāmāiyaggahaṇa-pāraṇavihī
8.6
§7. ittha kei āillāṇaṃ cauṇhaṃ sāvayapaḍimāṇaṃ paḍivattiṃ icchaṃti | taṃ ca na sugurūṇaṃ saṃmayaṃ | jao
saṃpayaṃ paḍimārūvaṃ sāvayadhammaṃ vocchinnaṃ tiṃti gīyatthā | ao na vattassa vihī bhaṇṇai
§8. iyāṇiṃ uvahāṇavihī-sohaṇatihi-karaṇa-muhuttāidiṇe jiṇabhavaṇāisu naṃdī kīrai | paṃcamaṃgalamahāmuyakkhaṃdhe iriyāvahiyāmuyakkhaṃdhe ya; annesu uvahāṇatavesu naṃdīe na niyamo | jai koi samīkaraṇe puvvaṃ karei tayā kīrai na'nnahā | dosu āillauvahāṇatavesu puṇa niyamā naṃdī | tattha sāvao sāviyā
611. eyassa ceva nikkhivaṇavihī voccai-sīso gurusamīvamāgamya iriyāvahiyaṃ paḍikkamiya, gamaṇāgamaṇaṃ āloiya, khamāsamaṇadugadāṇapuvvaṃ puttiṃ pehiya' duvālasāvattavaṃdaṇaṃ dāuṃ, bhaṇai-'icchākāreṇa tumbhe
amhaṃ paṃcamaṃgalamahāsuyakkhaṃdhauvahāṇatavaṃ †nikkhivaha' | gurū bhaṇai-'nikkhivāmo' | sīso 'icchaṃ'ti
bhaṇiya, khamāsamaṇeṇa vaṃdiya, bhaṇai-'icchākāreṇa saṃdisaha paṃcamaṃgalamahāsuyakkhaṃdhāiuvahāṇatavaṃ nikkhivaṇatthaṃ kāussaggaṃ karāveha' | gurū bhaṇai-'karāvemo' | 'icchaṃ'ti bhaṇiya khamāsamaṇeṇa vaṃdiya, paṃcamaṃgalamahāsuyakkhaṃdhāiuvahāṇatavanikkhivaṇatthaṃ karemi kāussaggaṃ | annattha ūsasieṇaṃ' iccāi jāva 'vosirāmi'tti | tattha navakāraṃ ciṃtiya, pāriya, namokkāraṃ paḍhiya, khamāsamaṇeṇa vaṃdiya, bhaṇai-'icchākāreṇa saṃdisaha paṃcamaṃgalamahāsuyakkhaṃdhāiuvahāṇatavanikkhivaṇatthaṃ ceiyāiṃ vaṃdāveha' | gurū bhaṇai-'vaṃdāvemo'
tao sakatthayaṃ bhaṇiya, duvālasāvattavaṃdaṇaṃ dāuṃ, 'paveyaṇaṃ bhaveyaha'tti bhaṇiya, paḍipuṇṇā vigaipāraṇageṇaṃ
bhattacchai | tao posahaṃ sāmāiyaṃ ca pāriya, khamāsamaṇaṃ dāuṃ, bhaṇai-'upadhāṇa majjha avidhi āsātanā
mani vacani kāi ja koī kīī tarhi micchāmi dukkaḍaṃ'
uvahāṇanikkhivaṇavihī samatto