Thanamga 2.1.15
Ṭhāṇaṃga 2.1.15
- Language
- Ardhamāgadhī Prakrit
2.1.15.1
duvihē nāṇē paṇṇattē taṁ jahā-paccakkhē cēva parokkhē cēva.
2.1.15.2
paccakkhē nāṇē duvihē paṇṇattē taṁ jahā-kēvalanāṇē cēva nōkēvalanāṇē cēva, kēvalanāṇē duvihē paṇṇattē taṁ jahā-bhavatthakēvalanāṇē cēva siddhakēvalanāṇē cēva.
2.1.15.3
bhavatthakēvalanāṇē duvihē paṇṇattē taṁ jahā-sajōgibhavattha kēvalanāṇē cēva ajōgibhavattha-kēvalanāṇē cēva sajōgibhavatthakēvalanāṇē duvihē paṇṇattē taṁ jahā — paḍhamasamayasajōgibhavatthakēvalanāṇē cēva apaḍhamasamayasajōgibhavattha-kēvalanāṇē cēva ahavā — carimasamayasajōgibhavatthakēvalanāṇē cēva acarimasamaya-samajōgibhavatthakēvala-nāṇē cēva, ēvaṁ ajōgibhavatthakēvalanāṇē vi.
2.1.15.4
siddhakēvalaṇāṇē duvihē paṇṇattē taṁ jahā-aṇantarasiddhakēvalanāṇē cēva paramparasiddhakēvalanāṇē cēva, aṇantarasiddha-kēvalanāṇē duvihē paṇṇattē taṁ jahā — ekkāṇantarasiddhakēvalanāṇē cēva aṇekkāṇantarasiddhakēvalanāṇē cēva, parampara-siddhakēvalanāṇē duvihē paṇṇattē taṁ jahā-ekkaparamparasiddhakēvalaṇāmē cēva aṇekkaparamparasiddha-kēvalaṇāṇē cēva nōkēvalanāṇē duvihē paṇṇattē taṁ jahā-ōhināṇē cēva maṇapajjavanāṇē cēva.
2.1.15.5
ōhināṇē duvihē paṇṇattē taṁ jahā-bhavapaccaïē cēva khaōvasamiē cēva, dōṇhaṁ bhavapaccaïē paṇṇattē taṁ jahā-dēvāṇaṁ cēva nēraïyāṇaṁ cēva, dōṇhaṁ khaōvasamiē paṇṇattē taṁ jahā-maṇussāṇaṁ cēva pañcidiyatirikkhajōṇiyāṇaṁ cēva, maṇapajjavanāṇē duvihē paṇṇattē taṁ jahā — ujjumati cēva viulamati cēva parokkhē nāṇē duvihē paṇṇattē taṁ jahā-ābhiṇibōhiyanāṇē cēva suyanāṇē cēva, ābhiṇibōhiya- nāṇē duvihē paṇṇattē taṁ jahā-suyaṇissiē cēva asuyaṇissiē cēva, suyaṇissiē duvihē paṇṇattē taṁ jahā-atthoggahē cēva vañjaṇoggahē cēva, asuyaṇissiē vi ēmēva.
2.1.15.6
suyanāṇē duvihē paṁ0 taṁ0 jahā-aṅgapaviṭṭhē cēva aṅgabāhirē cēva, aṅgabāhirē duvihē paṇṇattē taṁ jahā — āvassaē cēva āvassayavatirittē cēva, āvassayavatirittē duvihē paṇṇattē taṁ jahā — kāliē cēva ukkāliē cēva.
Translations (2)
- Ṭhāṇaṃga: Hindi translation (Dīparatnasāgara, 2019) — Hindi
- Ṭhāṇaṃga: Gujarati translation (Dīparatnasāgara, 2020) — Gujarati
Commentaries (2)
- Sthānāṅgavṛtti — Abhayadeva Sūri, Sanskrit
- Ṭhāṇaṃga: ṭīkānusārī vivecana — Muni Dīparatnasāgara, Gujarati