Thanamga 2.1.16

Ṭhāṇaṃga 2.1.16

Language: Ardhamāgadhī Prakrit

2.1.16.1

duvihē dhammē paṇṇattē taṁ jahā-suyadhammē cēva carittadhammē cēva, suyadhammē duvihē paṇṇattē taṁ jahā — agāracarittadhammē cēva aṇagāracaritta dhammē cēva, duvihē sañjamē paṇṇattē taṁ jahā — sarāgasañjamē cēva vītarāgasañjamē cēva, sarāgasañjamē duvihē paṇṇattē taṁ jahā — suhumasamparāyasarāgasañjamē cēva bādara-samparāyasarāgasañjamē cēva, suhumasamparāyasarāgasañjamē duvihē paṇṇattē taṁ jahā — paḍhamasamaya suhumasamparāyasarāga-sañjamē cēva apaḍhamasamaya suhumasamparāyasarāgasañjamē cēva, ahavā —suhumasamparāyasarāgasañjamē duvihē paṇṇattē taṁ jahā — saṅkilēsamāṇaē cēva visujjhamāṇaē cēva, bādarasamparāyasarāgasañjamē duviē paṇṇattē taṁ jahā — paḍhamasamaya bādarasamparāyasarāgasañjamē cēva apaḍhamasamaya bādarasamparāyasarāgasañjamē cēva, ahavā —carimasamayabādarasamparāyasarāgasañjamē cēva acarimasamaya-bādarasamparāyasarāgasañjamē cēva, ahavā —bādarasamparāyasarāgajamē duvihē paṇṇattē taṁ jahā — paḍivātiē cēva apaḍi-vātiē cēva, vīyarāgasañjamē duvihē paṇṇattē taṁ jahā — uvasantakasāyavīyarāgasañjamē cēva khīṇakasāyavīyarāga-sañjamē cēva uvasantakasāyavīyarāgasañjamē duvihē paṇṇattē taṁ jahā — paḍhamasamayaüvasantakasāyavīyarāgasañjamē cēva apaḍhamasamaya-uvasantakasāyavīyarāgasañjamē cēva ahavā —carimasamayaüvasantakasāyavīyarāgasañjamē cēva acarima-samayaüvasantakasāyavīyarāgasañjamē cēva, khīṇakasāyavīyarāgasañjē duvihē paṇṇattē taṁ jahā — chaümatthakhīṇakasāya-vīyarāgasañjamē cēva kēvalikhīṇakasāyavīyarāgasañjamē cēva, chaümatthakhīṇakasāyavīyarāgasañjamē duvihē paṇṇattē taṁ jahā — sayambuddhachaümattha khīṇakasāyavīta-rāgasañjamē cēva buddhabōhiyachaümattha khīṇakasāyavītarāgasañjamē cēva, sayambuddhachaümattha khīṇakasāyavīyarāgasañjamē duvihē paṇṇattē taṁ jahā — paḍhamasamayasayambuddhachaümattha khīṇakasāya-vītarāgasañjamē cēva apaḍhamasamayasayaṁ-buddhachaümattha khīṇakasāyavītarāgasañjamē cēva, ahavā —carimasamayasayambuddha cha-umatthakhīṇa kasāyavītarāgasañjē cēva acarimasamayasayambuddhachaümattha khīṇakasāyavītarāgasañjamē cēva |

2.1.16.2

buddhabōhiya chaümattha khīṇakasāyavītarāgasañjamē duvihē paṇṇattē taṁ jahā — paḍhamasamayabuddhabōhiya chaümatthakhīṇakasāya-vītarāgasañjamē cēva apaḍhamasamayabuddhabōhiya chaümatthakhīṇakasāyavītarāgasañjamē cēva, ahavā —carimasamayabuddha-bōhiya chaümatthakhīṇakasāyavīyarāgasañjamē cēva acarimasamayabuddhabōhiyachaümattha khīṇa-kasāyavīyarāgasañjamē cēva, kēvalikhīṇakasāyavīyarāgasañjamē duvihē paṇṇattē taṁ jahā — sajōgikēvali khīṇaka-sāyavīyarāgasañjamē cēva ajōgikēvali khīṇakasāyavīyarāgasañjamē cēva, sajōgikēvali khīṇakasāyavīya-rāgasañjamē duvihē paṇṇattē taṁ jahā — paḍhamasamayasajōgikēvalikhīṇakasāyavīyarāgasañjamē cēva apaḍhamasamaya-sajōgikēvalikhīṇakasāyavīyarāga-sañjamē cēva ahavā —carimasamayasajōgi0, acarimasamayasajōgi kēvalikhīṇa-kasāya-vīyarāgasañjamē cēva, ajōgikēvalikhīṇakasāyavīyarāgasañjamē duvihē paṇṇattē taṁ jahā — paḍhamasamaya-ajōgi0, apaḍhamasamayaajōgi kēvalikhīṇakasāyavīyarāgasañjamē cēva, ahavā carimasamaya-ajōgi0, acarima-samayaajōgi kēvalikhīṇakasāya-vīyarāgasañjamē cēva.

Translations (2)

Ṭhāṇaṃga: Hindi translation (Dīparatnasāgara, 2019) — Hindi
Ṭhāṇaṃga: Gujarati translation (Dīparatnasāgara, 2020) — Gujarati

Commentaries (2)

Sthānāṅgavṛtti — Abhayadeva Sūri, Sanskrit
Ṭhāṇaṃga: ṭīkānusārī vivecana — Muni Dīparatnasāgara, Gujarati