Thanamga 2.1.17
Ṭhāṇaṃga 2.1.17
- Language
- Ardhamāgadhī Prakrit
2.1.17.1
duvihā puḍhavikāiyā paṇṇattā taṁ jahā — suhumā cēva bāyarā cēva, ēvaṁ jāva duvihā vaṇassaïkāiyā paṇṇattā taṁ jahā — suhumā cēva bāyarā cēva, duvihā puḍhavikāiyā paṇṇattā taṁ jahā — pajjattagā cēva apajjattagā cēva, ēvaṁ jāva vaṇassaï- kāiyā paṇṇattā taṁ jahā — pajjattagā cēva apajjattagā cēva.
2.1.17.2
duvihā puḍhavikāiyā paṇṇattā taṁ jahā — pariṇayā cēva apariṇayā cēva ēvaṁ jāva vaṇassaïkāiyā, duvihā davvā paṇṇattā taṁ jahā — pariṇayā cēva apariṇayā cēva.
2.1.17.3
duvihā puḍhavikāiyā paṇṇattā taṁ jahā — gatisamāvaṇṇagā cēva agatisamāvaṇṇagā cēva ēvaṁ jāva vaṇassaïkāiyā, duvihā davvā paṇṇattā taṁ jahā — gatisamāvaṇṇagā cēva agatisamāvaṇṇagā cēva.
2.1.17.4
duvihā puḍhavikāiyā paṇṇattā taṁ jahā — aṇantarōgāḍhā cēva paramparōgāḍhā cēva jāva duvihā davvā paṇṇattā taṁ jahā — aṇantarōgāḍhā cēva paramparōgāḍhā cēva.
Translations (2)
- Ṭhāṇaṃga: Hindi translation (Dīparatnasāgara, 2019) — Hindi
- Ṭhāṇaṃga: Gujarati translation (Dīparatnasāgara, 2020) — Gujarati
Commentaries (2)
- Sthānāṅgavṛtti — Abhayadeva Sūri, Sanskrit
- Ṭhāṇaṃga: ṭīkānusārī vivecana — Muni Dīparatnasāgara, Gujarati