Thanamga 2.1.19
Ṭhāṇaṃga 2.1.19
- Language
- Ardhamāgadhī Prakrit
2.1.19.1
nēraïyāṇaṁ dō sarīragā paṇṇattā taṁ jahā — abbhantaragē cēva bāhiragē cēva, abbhantaraē kammaē bāhiraē vēuvviē, ēvaṁ dēvāṇaṁ bhāṇiyavvaṁ puḍhavikāiyāṇaṁ dō sarīragā paṇṇattā taṁ jahā — abbhantaragē cēva bāhiragē cēva abbhantaragē kammaē bāhiragē ōrāliē jāva vaṇassaïkāiyāṇaṁ, bēindiyāṇaṁ dō sarīrā paṇṇattā taṁ jahā — abbhantaragē cēva bāhiragē cēva abbhantaragē kammaē, aṭṭhimaṁsasōṇitabaddhē bāhiragē ōrāliē, ēvaṁ jāva caürindiyāṇaṁ0 pañcidiyatirikkhajōṇiyāṇaṁ dō sarīragā paṇṇattā taṁ jahā — abbhantaragē cēva bāhiragē cēva, abbhantaragē kammaē aṭṭhimaṁsasōṇiyaṇahāruchirābaddhē bāhiragē ōrāliē, maṇussāṇaṁ vi ēvaṁ cēva.
2.1.19.2
viggahagaïsamāvaṇṇagāṇaṁ nēraïyāṇa dō sarīragā paṇṇattā taṁ jahā — tēyaē cēva kammaē cēva, nirantaraṁ jāva vēmāṇiyāṇaṁ.
2.1.19.3
nēraïyāṇaṁ dōhiṁ ṭhāṇēhiṁ sarīruppattī siyā, taṁ jahā — rāgēṇa cēva dōsēṇa cēva, jāva vēmāṇiyāṇaṁ. nēraïyāṇaṁ duṭṭhāṇaṇivvattiē sarīragē paṇṇattē taṁ jahā — rāgaṇivvattiē cēva dōsaṇivvattiē cēva jāva vēmāṇiyāṇaṁ, dō kāyā paṇṇattā taṁ0 jahā — tasakāē cēva thāvarakāē cēva, tasakāē duvihē paṇṇattē taṁ jahā — bhavasiddhiē cēva abhavasiddhiē cēva, ēvaṁ thāvarakāē'vi.
Translations (2)
- Ṭhāṇaṃga: Hindi translation (Dīparatnasāgara, 2019) — Hindi
- Ṭhāṇaṃga: Gujarati translation (Dīparatnasāgara, 2020) — Gujarati
Commentaries (2)
- Sthānāṅgavṛtti — Abhayadeva Sūri, Sanskrit
- Ṭhāṇaṃga: ṭīkānusārī vivecana — Muni Dīparatnasāgara, Gujarati