Thanamga 2.2.2

2.2.2.1

nēratitā nēraïyā dugatiyā duyāgatiyā pa0 taṁ0- nēraïē nēraïēsu uvavajjamāṇē maṇussēhintō vā pañcindiyatirikkhajōṇiēhintō vā uvavajjejjā, sa cēva ṇaṁ sē nēraïē nēraïyattaṁ vippajahamāṇē maṇussattāē vā pañcidiyatirikkha-jōṇiyattāē vā gacchejjā, ēvaṁ asurakumārāvi, navaraṁ- sē cēva ṇaṁ sē asurakumārē asura-kumārattaṁ vippajahamāṇē maṇussattāē vā tirikkhajōṇiyattāē vā gacchejjā, ēvaṁ- savvadēvā puḍhavikāiyā dugatiyā duyāgatiyā pa0 taṁ0-puḍhavikāiē puḍhavikāiēsu uvavajjamāṇē puḍhavikāiēhintō vā nō puḍhavikāiēhintō vā uvavajjejjā, sē cēva ṇaṁ sē puḍhavikāiē puḍhavikāiyattaṁ vippajahamāṇē puḍhavikāiyattāē vā nō ēvaṁ jāva maṇussā.