Thanamga 2.2.3
Ṭhāṇaṃga 2.2.3
- Language
- Ardhamāgadhī Prakrit
2.2.3.1
duvihā nēraïyā paṇṇattā taṁ jahā — bhavasiddhiyā cēva abhavasiddhiyā cēva jāva vēmāṇiyā| duvihā nēraïyā paṇṇattā taṁ jahā-aṇantarōvavaṇṇagā cēva paramparōvavaṇṇagā cēva jāva vēmāṇiyā. duvihā nēraïyā paṇṇattā taṁ jahā — gatisamāvaṇṇagā cēva agatisamāvaṇṇagā cēva jāva vēmāṇiyā.
2.2.3.2
duvihā nēraïyā paṇṇattā taṁ jahā — paḍhamasamaōvavaṇṇagā cēva apaḍhamasamaōvavaṇṇagā cēva jāva vēmāṇiyā. duvihā nēraïyā paṇṇattā taṁ jahā — ussāsagā cēva nōussāsagā cēva jāva vēmāṇiyā. duvihā nēraïyā paṇṇattā taṁ jahā — saïndiyā cēva aṇindiyā cēva jāvaṁ vēmāṇiyā.
2.2.3.3
duvihā nēraïyā paṇṇattā taṁ jahā — pajjattagā cēva apajjattagā cēva jāva vēmāṇiyā. duvihā nēraïyā paṇṇattā taṁ jahā-saṇṇī cēva asaṇṇī cēva ēvaṁ pañcendiyā savvē vigalindiyavajjā, jāva vāṇamantarā.
2.2.3.4
duvihā nēraïyā paṇṇattā taṁ jahā-bhāsagā cēva abhāsagā cēva ēvamēgindiyavajjāsavvē duvihā nēraïyā paṇṇattā taṁ jahā-sammaddiṭṭhiyā cēva micchāddiṭṭhiyā cēva ēgindiyavajjā savvē.
2.2.3.5
duvihā ṇēraïyā paṇṇattā taṁ jahā-parittasaṁsāritā cēva anantasaṁsāritā cēva jāva vēmāṇiyā duvihā nēraïyā paṇṇattā taṁ jahā — saṅkhejjakālasamayaṭṭhitiyā cēva asaṅkhejjakālasamayaṭṭhitiyā cēva, ēvaṁ-pañcendiyā ēgindiyāviṅgalindiyāvajjā jāva vāṇamantarā.
2.2.3.6
duvihā nēraïyā paṇṇattā taṁ jahā — sulabhabōdhiyā cēva dulabhabōdhiyā cēva jāva vēmāṇiyā. duvihā nēraïyā paṇṇattā taṁ jahā — kaṇhapakkhiyā cēva sukkapakkhiyā cēva jāva vēmāṇiyā duvihā nēraïyā paṇṇattā taṁ jahā — carimā cēva acarimā cēva jāva vēmāṇiyā.
Translations (2)
- Ṭhāṇaṃga: Hindi translation (Dīparatnasāgara, 2019) — Hindi
- Ṭhāṇaṃga: Gujarati translation (Dīparatnasāgara, 2020) — Gujarati
Commentaries (2)
- Sthānāṅgavṛtti — Abhayadeva Sūri, Sanskrit
- Ṭhāṇaṃga: ṭīkānusārī vivecana — Muni Dīparatnasāgara, Gujarati