Thanamga 2.2.4
Ṭhāṇaṃga 2.2.4
- Language
- Ardhamāgadhī Prakrit
2.2.4.1
dōhiṁ ṭhāṇēhiṁ āyā ahēlōgaṁ jāṇaï-pāsaï taṁ jahā — samōhatēṇaṁ cēva appāṇēṇaṁ āyā ahēlōgaṁ jāṇaï-pāsaï asamōhatēṇaṁ cēva appāṇēṇaṁ āyā ahēlōgaṁ jāṇaï-pāsaï, āhōhi samōhatāsamōhatēṇaṁ cēva appāṇēṇaṁ āyā ahēlōgaṁ jāṇaï-pāsaï. ēvaṁ tiriyalōgaṁ, uḍḍhalōgaṁ, kēvalakappaṁ lōgaṁ jāṇaï-pāsaï.
2.2.4.2
dōhiṁ ṭhāṇēhiṁ āyā ahēlōgaṁ jāṇaï-pāsaï taṁ jahā — viuvvitēṇaṁ cēva appāṇēṇaṁ ātā ahē- lōgaṁ jāṇaï-pāsaï aviuvvitēṇaṁ cēva appāṇēṇaṁ ātā ahēlōgaṁ jāṇaï-pā0 āhōhi viuvviyā viuvvitēṇaṁ cēva appāṇēṇaṁ āyā ahēlōgaṁ jāṇaï-pāsaï ēvaṁ tiriyalōgaṁ, uḍḍhalōgaṁ kēvala-kappalōgaṁ jāṇaï-pāsaï.
2.2.4.3
dōhiṁ ṭhāṇēhiṁ āyā saddāiṁ suṇēti taṁ jahā — dēsēṇa vi āyā saddāiṁ suṇēti savvēṇavi āyā saddāiṁ suṇēti ēvaṁ rūvāiṁ pāsaï, gandhāiṁ agghāti, rasāiṁ āsādēti, phāsāiṁ paḍisaṁvēdēti.
2.2.4.4
dōhiṁ ṭhāṇēhiṁ āyā ōbhāsati taṁ jahā — dēsēṇa vi āyā ōbhāsati savvēṇa vi āyā ōbhāsati, ēvaṁ pabhāsati vikuvvati pariyārēti bhāsaṁ bhāsati āhārētiṁ pariṇāmēti vēdēti nijjarēti.
2.2.4.5
dōhiṁ ṭhāṇēhiṁ dēvē saddāiṁ suṇētiṁ taṁ jahā — dēsēṇavi dēvē saddāiṁ suṇēti savvēṇavi dēvē saddāiṁ suṇēti jāva nijjarēti.
2.2.4.6
maruyā dēvā duvihā paṇṇattā taṁ jahā — ēgasarīrī cēva dusarīrī cēva, ēvaṁ kinnarā kimpurisā gandhavvā nāgakumārā suvaṇṇakumārā aggikumārā vāyukumārā dēvā duvihā paṇṇattā taṁ jahā — ēgasarīrī cēva dusarīrī cēva.
Translations (2)
- Ṭhāṇaṃga: Hindi translation (Dīparatnasāgara, 2019) — Hindi
- Ṭhāṇaṃga: Gujarati translation (Dīparatnasāgara, 2020) — Gujarati
Commentaries (2)
- Sthānāṅgavṛtti — Abhayadeva Sūri, Sanskrit
- Ṭhāṇaṃga: ṭīkānusārī vivecana — Muni Dīparatnasāgara, Gujarati