Thanamga 2.3.17
Ṭhāṇaṃga 2.3.17
- Language
- Ardhamāgadhī Prakrit
2.3.17.1
kālōdassa ṇaṁ samuddassa vēiyā dō gāuyāiṁ uḍḍhaṁ uccattēṇaṁ paṇṇattā. pukkharavaradīvaḍḍha puratthimaddhē ṇaṁ mandarassa pavvayassa uttara-dāhiṇē ṇaṁ dō vāsā paṇṇattā-bahusamatullā jāva taṁ jahā — bharahē cēva ēravaē cēva tahēva jāva dō kurāō paṇṇattāō-dēvakurā cēva uttarakurā cēva, tattha ṇaṁ dō mahatimahālayā mahaddumā paṇṇattā taṁ jahā — kūḍasāmalī cēva paümarukkhē cēva, dēvā-garulē cēva vēṇudēvē paümē cēva, jāva chavvihampi kālaṁ paccaṇubhavamāṇā viharanti.
2.3.17.2
pukkharavaradīvaḍḍhapaccatthimaddhē ṇaṁ mandarassa pavvayassa uttara-dāhiṇēṇaṁ dō vāsā paṇṇattā- tahēva ṇāṇattaṁ kūḍasāmalī cēva mahāpaümarukkhē cēva, dēvā-garulē cēva vēṇudēvē puṇḍarīō cēva, pukkharavaradīvaḍḍhē ṇaṁ dīvē dō bharahāiṁ dō ēravayāiṁ jāva dō mandarā dō mandaracūliyāō, pukkhara-varassa ṇaṁ dīvassa vēiyā dō gāuyāiṁ uḍḍhamuccattēṇaṁ paṇṇattā, savvēsimpi ṇaṁ dīvasamuddāṇaṁ vēdiyāō dō gāuyāiṁ uḍḍhamuccattēṇaṁ paṇṇattāō.
Translations (2)
- Ṭhāṇaṃga: Hindi translation (Dīparatnasāgara, 2019) — Hindi
- Ṭhāṇaṃga: Gujarati translation (Dīparatnasāgara, 2020) — Gujarati
Commentaries (2)
- Sthānāṅgavṛtti — Abhayadeva Sūri, Sanskrit
- Ṭhāṇaṃga: ṭīkānusārī vivecana — Muni Dīparatnasāgara, Gujarati