Thanamga 2.3.2
Ṭhāṇaṃga 2.3.2
- Language
- Ardhamāgadhī Prakrit
2.3.2.1
dōhiṁ ṭhāṇēhiṁ poggalā sāhaṇṇanti taṁ jahā — saïṁ vā poggalā sāhaṇṇanti parēṇaṁ vā poggalā sāhaṇṇanti. dōhiṁ ṭhāṇēhiṁ poggalā bhijjanti taṁ jahā — saïṁ vā poggalā bhijjanti parēṇa vā poggalā bhijjanti. dōhiṁ ṭhāṇēhiṁ poggalā parisaḍanti taṁ jahā — saïṁ vā poggalā parisaḍanti parēṇaṁ vā poggalā parisaḍanti. ēvaṁ parivaḍanti, viddhaṁsanti.
2.3.2.2
duvihā poggalā paṇṇattā taṁ jahā — bhiṇṇā cēva abhiṇṇā cēva. duvihā poggalā paṇṇattā taṁ jahā — mēuradhammā cēva nōbhēuradhammā cēva. duvihā poggalā paṇṇattā taṁ jahā — paramāṇupoggalā cēva nōparamāṇupoggalā cēva. duvihā poggalā paṇṇattā taṁ jahā — suhumā cēva bāyarā cēva.
2.3.2.3
duvihā poggalā paṇṇattā taṁ jahā — baddhapāsapuṭṭhā cēva nōbaddhapāsapuṭṭhā cēva. duvihā poggalā paṇṇattā taṁ jahā — pariyāditaccēva apariyāditaccēva. duvihā poggalā paṇṇattā taṁ jahā — attā cēva aṇattā cēva. duvihā poggalā paṁ. taṁ jahā — iṭṭhā cēva aṇiṭṭhā cēva, kantā cēva akantā cēva, piyā cēva apiyā cēva, maṇuṇṇā cēva amaṇuṇṇā cēva, maṇāmā cēva amaṇāmā cēva.
Translations (2)
- Ṭhāṇaṃga: Hindi translation (Dīparatnasāgara, 2019) — Hindi
- Ṭhāṇaṃga: Gujarati translation (Dīparatnasāgara, 2020) — Gujarati
Commentaries (2)
- Sthānāṅgavṛtti — Abhayadeva Sūri, Sanskrit
- Ṭhāṇaṃga: ṭīkānusārī vivecana — Muni Dīparatnasāgara, Gujarati