Thanamga 2.3.4

Ṭhāṇaṃga 2.3.4

Language: Ardhamāgadhī Prakrit

2.3.4.1

duvihē āyārē paṇṇattē taṁ jahā — nāṇāyārē cēva nōnāṇāyārē cēva. nōnāṇāyārē duvihē paṇṇattē taṁ jahā — daṁsaṇāyārē cēva nōdaṁsaṇāyārē cēva. nōdaṁsaṇāyārē duvihē paṇṇattē taṁ jahā — carittāyārē cēva nōcarittāyārē cēva. nōcarittāyārē duvihē paṇṇattē taṁ jahā — tavāyārē cēva vīriyāyārē cēva.

2.3.4.2

dō paḍimāō paṇṇattāō taṁ jahā — samāhipaḍimā cēva uvahāṇapaḍimā cēva. dō paḍimāō paṇṇattāō taṁ jahā — vivēgapaḍimā cēva viusaggapaḍimā cēva. dō paḍimāō paṇṇattāō taṁ jahā — bhaddā cēva subhaddā cēva. dō paḍimāō paṇṇattāō taṁ jahā — mahābhaddā cēva savvatōbhaddā cēva. dō paḍimāō paṇṇattāō taṁ jahā — khuḍḍiyā cēva mōyapaḍimā mahalliyā cēva mōyapaḍimā. dō paḍimāō paṇṇattāō taṁ jahā — javamajjhā cēva candapaḍimā vaïramajjhā cēva candapaḍimā.

2.3.4.3

duvihē sāmāiē paṁ0 taṁ0 jahā — agārasāmāiē cēva aṇāgārasāmāiē cēva.

Translations (2)

Ṭhāṇaṃga: Hindi translation (Dīparatnasāgara, 2019) — Hindi
Ṭhāṇaṃga: Gujarati translation (Dīparatnasāgara, 2020) — Gujarati

Commentaries (2)

Sthānāṅgavṛtti — Abhayadeva Sūri, Sanskrit
Ṭhāṇaṃga: ṭīkānusārī vivecana — Muni Dīparatnasāgara, Gujarati