Thanamga 2.4.12
Ṭhāṇaṃga 2.4.12
- Language
- Ardhamāgadhī Prakrit
2.4.12.1
dō maraṇāiṁ samaṇēṇaṁ bhagavatā mahāvīrēṇaṁ samaṇāṇaṁ nigganthāṇaṁ nō ṇiccaṁ vaṇṇiyāiṁ nō ṇiccaṁ kittiyāiṁ nō ṇiccaṁ buiyāiṁ nō miccaṁ pasatthāiṁ nō ṇiccaṁ abbhaṇuṇṇāyāiṁ bhavanti taṁ jahā — valayamaraṇē cēva vasaṭṭamaraṇē cēva, ēvaṁ- niyāṇamaraṇē cēva tabbhavamaraṇē cēva, giripaḍaṇē cēva tarupaḍaṇē cēva, jalappavēsē cēva jalaṇapavēsē cēva, visabhakkhaṇē cēva satthōvāḍaṇē cēva, dō maraṇāiṁ jāva nō ṇiccaṁ abbhaṇuṇṇāyāiṁ bhavanti, kāraṇēṇa puṇa appaḍikuṭṭhāiṁ taṁ jahā — vēhāṇasē cēva giddhapaṭṭhē cēva.
2.4.12.2
dō maraṇāiṁ samaṇēṇaṁ bhagavayā mahāvīrēṇaṁ samaṇāṇaṁ nigganthāṇaṁ ṇiccaṁ vaṇṇiyāiṁ jāva abbhaṇuṇṇāyāi bhavanti, taṁ jahā — pāōvagamaṇē cēva bhattapaccakkhāṇē cēva, pāōvagamaṇē duvihē paṇṇattē taṁ jahā — nīhārimē cēva anīhārimē cēva niyamaṁ apaḍikammē, bhattapaccapakkhāṇē duvihē paṇṇattē taṁ jahā — nīhārimē cēva anīhārimē cēva niyamaṁ sapaḍikammē.
Translations (2)
- Ṭhāṇaṃga: Hindi translation (Dīparatnasāgara, 2019) — Hindi
- Ṭhāṇaṃga: Gujarati translation (Dīparatnasāgara, 2020) — Gujarati
Commentaries (2)
- Sthānāṅgavṛtti — Abhayadeva Sūri, Sanskrit
- Ṭhāṇaṃga: ṭīkānusārī vivecana — Muni Dīparatnasāgara, Gujarati