Thanamga 2.4.15

2.4.15.1

nāṇāvaraṇijjē kammē duvihē pa0 taṁ0- dēsaṇāṇāvaraṇijjē cēva savvanāṇāvaraṇijjē cēva, darisaṇāvaraṇijjē kammē ēvaṁ cēva, vēyaṇijjē kammē duvihē paṇṇattē taṁ jahā — sātāvēyaṇijjē cēva asātāvēyaṇijjē cēva, mōhaṇijjē kammē duvihē paṇṇattē taṁ jahā — daṁsaṇamōhaṇijjē cēva carittamōhaṇijjē cēva, āuē kammē duvihē paṇṇattē taṁ jahā — addhāuē cēva bhavāuē cēva, nāmē kammē duviē pa0 taṁ0 jahā — subhanāmē cēva asubhanāmē cēva, gottē kammē duvihē paṇṇattē taṁ jahā — uccāgōtē cēva nīyāgōtē cēva, antarāiē kammē duvihē pa0 taṁ0 jahā — paḍuppaṇṇaviṇāsiē cēva pihati ya āgāmipahaṁ cēva.