Thanamga 3.3.12
Ṭhāṇaṃga 3.3.12
- Language
- Ardhamāgadhī Prakrit
3.3.12.1
tihiṁ ṭhāṇēhiṁ dēvē caïssāmitti jāṇaï taṁ jahā — vimāṇābharaṇāiṁ nippabhāiṁ pāsittā, kapparukkhagaṁ milāyamāṇaṁ pāsittā, appaṇō tēyalēssaṁ parihāyamāṇiṁ jāṇittā, iccēēhiṁ tihiṁ ṭhāṇēhiṁ dēvē caïssāmitti jāṇaï.
3.3.12.2
tihiṁ ṭhāṇēhiṁ dēvē uvvēgamāgacchejjā taṁ jahā — ahō ṇaṁ maē imāō ētārūvāō divvāō dēviḍḍhīō divvāō dēvajutīō divvāō dēvāṇubhāvāō laddhāō pattāō abhisamaṇṇāgatāō caïyavvaṁ bhavissati, ahō ṇaṁ maē māuōyaṁ piusukkaṁ taṁ tadubhayasaṁsaṭṭhaṁ tappaḍhamayāē āhārō āyārēyavvō bhavissati, ahō ṇaṁ maē kalamala-jambālāē asuiē uvvēyaṇiyāē bhīmāē gabbhavasahīē vasiyavvaṁ bhavissaï iccēēhiṁ tihiṁ ṭhāṇēhiṁ dēvē uvvēgamāgacchejjā.
Translations (2)
- Ṭhāṇaṃga: Hindi translation (Dīparatnasāgara, 2019) — Hindi
- Ṭhāṇaṃga: Gujarati translation (Dīparatnasāgara, 2020) — Gujarati
Commentaries (2)
- Sthānāṅgavṛtti — Abhayadeva Sūri, Sanskrit
- Ṭhāṇaṃga: ṭīkānusārī vivecana — Muni Dīparatnasāgara, Gujarati