Thanamga 3.3.9
Ṭhāṇaṃga 3.3.9
- Language
- Ardhamāgadhī Prakrit
3.3.9.1
tihiṁ ṭhāṇēhiṁ appavuṭṭhīkāē siyā taṁ jahā — tassiṁ ca ṇaṁ dēsaṁsi vā padēsaṁsi vā nō bahavē udagajōṇiyā jīvā ya poggalā ya udagattātē vakkamanti viukkamanti cayanti uvavajjanti, dēvā nāgā jakkhā bhūtā nō sammamārāhittā bhavanti, tattha samuṭṭhiyaṁ udagapoggalaṁ pariṇataṁ vāsitukāmaṁ aṇṇaṁ dēsaṁ sāharanti abbhavaddalagaṁ ca ṇaṁ samuṭṭhitaṁ pariṇataṁ vāsitukāmaṁ vāukāē vidhuṇati iccētēhiṁ tihiṁ ṭhāṇēhiṁ appavuṭṭhigaē siyā.
3.3.9.2
tihiṁ ṭhāṇēhiṁ mahāvuṭṭhīkāē siyā taṁ jahā — taṁsi ca ṇaṁ dēsaṁsi vā padēsaṁsi vā bahavē udagajōṇiyā jīvā ya poggalā ya udagattāē vakkamanti viukkamanti cayanti uvavajjanti dēvā nāgā jakkhā bhūtā sammamārāhitā bhavanti, annattha samuṭṭhitaṁ udagapoggalaṁ pariṇaya vāsiukāmaṁ taṁ dēsaṁ sāharanti abbhavaddalagaṁ ca naṁ samuṭṭhitaṁ pariṇayaṁ vāsitukāmaṁ nō vāuāē vidhuṇati, iccētēhiṁ tihiṁ ṭhāṇēhiṁ mahā-vuṭṭhikāē siyā.
Translations (2)
- Ṭhāṇaṃga: Hindi translation (Dīparatnasāgara, 2019) — Hindi
- Ṭhāṇaṃga: Gujarati translation (Dīparatnasāgara, 2020) — Gujarati
Commentaries (2)
- Sthānāṅgavṛtti — Abhayadeva Sūri, Sanskrit
- Ṭhāṇaṃga: ṭīkānusārī vivecana — Muni Dīparatnasāgara, Gujarati