Thanamga 3.4.20
Ṭhāṇaṃga 3.4.20
- Language
- Ardhamāgadhī Prakrit
3.4.20.1
tihiṁ ṭhāṇēhiṁ samaṇē nigganthē mahānijjarē mahāpajjavasāṇē bhavati, taṁ jahā kayā ṇaṁ ahaṁ appaṁ vā bahuyaṁ vā suyaṁ ahijjissāmi, kayā ṇaṁ ahaṁ ēkallavihārapaḍimaṁ uvasampajjittāṇaṁ viharissāmi, kayā ṇaṁ ahaṁ apacchima-māraṇantiya-saṁlēhaṇā-jhūsaṇā-jhūsitē bhattapāṇa-paḍiyāikkhitē pāōvagatē kālaṁ aṇavakaṅkhamāṇē viharissāmi, ēvaṁ sa maṇasā sa vayasā sa kāyasā pāgaḍēmāṇē samaṇē nigganthē mahānijjarē mahāpajjavasāṇē bhavati.
3.4.20.2
tihiṁ ṭhāṇēhiṁ samaṇōvāsaē mahāṇijjarē mahāpajjavasāṇē bhavati taṁ jahā kayā ṇaṁ ahaṁ appaṁ vā bahuyaṁ vā pariggahaṁ paricaïssāmi, kayā ṇaṁ ahaṁ muṇḍē bhavittā agārāō aṇagāritaṁ pavvaïssāmi, kayā ṇaṁ ahaṁ apacchimamāraṇaṁ-tiyasaṁlēhaṇā-jhūsaṇā-jhūsitē bhattapāmapaḍiyāikkhitē pāōvagatē kālaṁ aṇavakaṅkha māṇē viharissāmi, ēvaṁ sa maṇasā sa vayasā sa kāyasā pāgaḍēmāṇē samaṇōvāsaē mahānijjarē mahāpajjavasāṇē bhavati.
Translations (2)
- Ṭhāṇaṃga: Hindi translation (Dīparatnasāgara, 2019) — Hindi
- Ṭhāṇaṃga: Gujarati translation (Dīparatnasāgara, 2020) — Gujarati
Commentaries (2)
- Sthānāṅgavṛtti — Abhayadeva Sūri, Sanskrit
- Ṭhāṇaṃga: ṭīkānusārī vivecana — Muni Dīparatnasāgara, Gujarati