Thanamga 3.4.33
Ṭhāṇaṃga 3.4.33
- Language
- Ardhamāgadhī Prakrit
3.4.33.1
taō ṭhāṇā avvavasitassa ahitāē asubhāē akhamāē aṇissēsāē aṇāṇugā-miyattāē bhavanti taṁ jahā — sē ṇaṁ muṇḍē bhavittā agārāō aṇagāriyaṁ pavvaïē nigganthē pāvayaṇē saṅkitē kaṅkhitē vitigicchētē bhēdasamāvaṇṇē kalusasamāvaṇṇē nigganthaṁ pāvayaṇaṁ ṇō saddahati nō pattiyati nō rōēti taṁ parissahā abhijuñjiya-abhijuñjiya abhibhavanti, nō sē parissahē abhijuñjiya-abhijuñjiya abhibhavaï, sē ṇaṁ muṇḍē bhavittā agārāō aṇagāritaṁ pavvaïē pañcahiṁ mahavvaēhiṁ saṅkitē jāva kalusasamāvaṇṇē pañca mahavvatāiṁ nō saddahati jāva nō sē parissahē abhijuñjiya-abhijuñjiya abhibhavanti, sē ṇaṁ muṇḍē bhavittā agārāō aṇagāriyaṁ pavvaïē chahiṁ jīvaṇikāēhiṁ jāva abhibhavati.
3.4.33.2
taō ṭhāṇā vavasiyassa hitāē jāva āṇugāmiyattāē bhavanti taṁ jahā — sē ṇaṁ muṇḍē bhavittā agārāō aṇagāriyaṁ pavvaïē nigganthē pāvayaṇē nissaṅkitē nikkaṅkhitē jāva nō kalusasamāvaṇṇē nigganthaṁ pāvayaṇaṁ saddahati pattiyati rōēti sē parissahē abhijuñjiya-abhijuñjiya abhibhavati, nō taṁ parissahā abhijuñjiya-abhijuñjiya abhibhavanti.
3.4.33.3
sē ṇaṁ muṇḍē bhavittā agārāō aṇagāriyaṁ pavvaïē samāṇē pañcahiṁ mahavvaēhiṁ nissaṅkiē nikkaṅkhiē parissahē abhijuñjiya-abhijuñjiya abhibhavaï, nō taṁ parissahā abhijuñjiya-abhijuñjiya abhibhavanti.
3.4.33.4
sē ṇaṁ muṇḍē bhavittā agārāō aṇagāriyaṁ pavvaïē chahiṁ jīvaṇikāēhiṁ nissaṅkitē parissahē abhijuñjiya-abhijuñjiya abhibhavati, nō taṁ parissahā abhijuñjiya-abhijuñjiya abhibhavanti.
Translations (2)
- Ṭhāṇaṃga: Hindi translation (Dīparatnasāgara, 2019) — Hindi
- Ṭhāṇaṃga: Gujarati translation (Dīparatnasāgara, 2020) — Gujarati
Commentaries (2)
- Sthānāṅgavṛtti — Abhayadeva Sūri, Sanskrit
- Ṭhāṇaṃga: ṭīkānusārī vivecana — Muni Dīparatnasāgara, Gujarati