Thanamga 5.1.11
Ṭhāṇaṃga 5.1.11
- Language
- Ardhamāgadhī Prakrit
5.1.11.1
āyariyaüvajjhāyassa ṇaṃ gaṇaṃsi pañcā vuggahaṭṭhāṇā pa° taṃ° - āyariyaüvajjhāe ṇaṃ gaṇaṃsi āṇaṃ vā dhāraṇaṃ vā no sammaṃ paüñjittā bhavati, āyariyaüvajjhāe ṇaṃ gaṇaṃsi ādhārātiṇiyāe kitikammaṃ no sammaṃ paüñjittā bhavati, āyariyaüvajjhāe ṇaṃ gaṇaṃsi se suttapajjavajāte dhāreti te kāle-kāle no sammamaṇuppavāittā bhavati, āyariyaüvajjhāe ṇaṃ gaṇaṃsi gilāṇasehaveyāvaccaṃ no sammamabbhuṭṭhittā bhavati, āyariyaüvajjhāe ṇaṃ gaṇaṃsi aṇāpucchiyacārī yāvi havaï no āpucchiyacārī.
5.1.11.2
āyariyaüvajjhāyassa ṇaṃ gaṇaṃsi pañcāvuggahaṭṭhāṇā pannattā taṃ jahā — āyariyaüvajjhāe ṇaṃ gaṇaṃsi āṇaṃ vā dhāraṇaṃ vā sammaṃ paüñjittā bhavati, evaṃ ādhāratiṇitāe sammaṃ kiikammaṃ paüñjittā bhavati āyariyaüvajjhāe ṇaṃ gaṇaṃsi se suttapajjavajāte dhāreti te kāle-kāle sammaṃ aṇupavāittā bhavati āyariyaüvajjhāe gaṇaṃsi gilāṇasehaveyāvaccaṃ sammaṃ abbhuṭṭhittā bhavati, āyariyaüvajjhāe gaṇaṃsi āpucchiyacārī yāvi bhavati no aṇāpucchiyacārī.
Translations (2)
- Ṭhāṇaṃga: Hindi translation (Dīparatnasāgara, 2019) — Hindi
- Ṭhāṇaṃga: Gujarati translation (Dīparatnasāgara, 2020) — Gujarati
Commentaries (2)
- Sthānāṅgavṛtti — Abhayadeva Sūri, Sanskrit
- Ṭhāṇaṃga: ṭīkānusārī vivecana — Muni Dīparatnasāgara, Gujarati