Thanamga 5.1.2
Ṭhāṇaṃga 5.1.2
- Language
- Ardhamāgadhī Prakrit
5.1.2.1
pañca vaṇṇā pannattā taṁ jahā — kiṇhā nīlā lōhitā hāliddā sukkillā; pañca rasā pannattā taṁ jahā — tittā kaḍūyā kasāyā ambilā madhurā, pañca kāmaguṇā pannattā taṁ jahā — saddā rūvā gandhā rasā phāsā, pañcahiṁ ṭhāṇēhiṁ jīvā sajjanti taṁ jahā — saddēhiṁ jāva phāsēhiṁ, ēvaṁ rajjanti, mucchanti, gijjhanti, ajjhōvavajjanti.
5.1.2.2
pañcahiṁ ṭhāṇēhiṁ jīvā viṇighāyamāvajjanti taṁ jahā — saddēhiṁ jāva phāsēhiṁ, pañca ṭhāṇā apariṇṇātā jīvāṇaṁ ahitāē asubhāē akhamāē anissēssāē aṇāṇugāmiyattāē bhavanti taṁ jahā — saddā jāva phāsā, pañca ṭhāṇā supariṇṇatā jīvāṇaṁ hitāē subhāē jāva āṇugāmiyattāē bhavanti, taṁ jahā — saddā jāva phāsā, pañca ṭhāṇā apariṇṇattā jīvāṇaṁ duggatigamaṇāē bhavanti taṁ jahā — saddā jāva phāsā, pañca ṭhāṇā supariṇṇātā jīvāṇaṁ suggatigamaṇāē bhavanti taṁ0 saddā jāva phāsā.
Translations (2)
- Ṭhāṇaṃga: Hindi translation (Dīparatnasāgara, 2019) — Hindi
- Ṭhāṇaṃga: Gujarati translation (Dīparatnasāgara, 2020) — Gujarati
Commentaries (2)
- Sthānāṅgavṛtti — Abhayadeva Sūri, Sanskrit
- Ṭhāṇaṃga: ṭīkānusārī vivecana — Muni Dīparatnasāgara, Gujarati