[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The twelve Aṅgas ("limbs")](https://indike.org/pramana/in.jaina.sveta.anga) › [Viyāhapannatti](https://indike.org/pramana/in.jaina.sveta.anga.5) › [Bhagavaicunni](https://indike.org/pramana/in.jaina.sveta.anga.5!curni) › p83 # Viyahapannatti p83 Bhagavaīcuṇṇi p83 - **Language:** Māhārāṣṭrī Prakrit ### [p83](https://indike.org/pramana/in.jaina.sveta.anga.5!curni.p83) kativihe bhaṃte ! paramāṇū ? | paramo pasoyaṇū ya paramāṇū | so ya cauvviho | catusu ṭhāṇe havati | davvaparamāṇūkhaṃdho do vārā chedeṇaṃ chijjamāṇo jāvāṇo cchettuṃ sakkati so davvaparamāṇū | evaṃ āgāsa-khettalogassa chijjati tattha khettaparamāṇū | kālaparamāṇū - tītāṇāgatavaṭṭamāṇaddhā do dhārā chedaṇaṃ chijjati tattha jo aṇū so kālaparamāṇū | bhāvaparamāṇū - 'bhuvirbhavanaṃ bhāvaḥ | pudgalāḥ yasmāt bhāvāt pariṇamaṃti sa bhāva: ' tassa taheva cchedo kajjati | so ya catuvviho - vaṇṇa, gaṃdha, rasa, phāsabhedeṇa | tattha vaṇa paramāṇū - egavaṇa duvaṇṇa tivaṇṇo jāva saṃkhejjāsaṃkhejjāṇaṃtaṃ lakkhaṇo jo chijjamāṇo do bhedaṃ ṇa so vaṇaparamāṇū | evaṃ gaṃdhādī paramāṇavo viyā || || 72 ettha ya je ete catupadesādikhaṃdhesu cattāri phāsā bhaṇijjaṃti te kahaṃ ? gāhāto, vīsatimasatudde se | beiṃdiya 1 māgāse 2 pāṇavahe 3 uvacae 8 ya paramāṇū | aṃtara 6 baṃdhe 7 bhūmī 8 cāraṇa 9 sovakkamā jīvā 10 || 1 || catupadesādie catupphāse egaṃ bahuvayaṇamīsā vitiyādīyā kahaṃ bhaṃgā ? deso desāvasatā, davvakhattavasatā vivakkhāe saṃghāta - bheda - tadubhayabhāvāo vā vayaṇakāle visatimasatuddeśa iti suttaṭhāṇovalakkhaṇaṃ | catupadeso ādī | jesiṃ khaṃdhāṇaṃ te catupadesādiyā te catuphāsā bhaṇitā | tesu bhaṃgā egavaṇaṇaṃ bahuva ca | mīsā gammi vi bahuvayaṇaṃ bahue vi lukkhā bhinnakhettā dohiṃ padesehiṃ, gatavayaṇaṃ bhaṇṇati | davvakhetta-kāla-bhāvehiṃ vayaṇassa vikappā saṃbhavaṃti | ettha catupadesie khaṃdho udāharaṇāṇi bhāvijjati | savvo sītapariṇato catupadesito tattha do giddhā, do lukkhā davvato gataṃ 1 | ettheva lukkhā doṇṇi vi eyaṇā pariṇāmeṇa pihappiha, tattha bahuvayaṇaṃ 2 | ṇiddho tiṇṇo lukkho egattādi kirito 3 | ṇiddhā vibhiṇṇā | khāva | kiriyā viseseṇa cattāribhaṃgā 4 khettato bhaṇṇati | savvo sīto, do ṇiddhā | evaṃ egammi pase do lukkhā do vi aṇṇaṃ | tipadese 1 | lukkhā bhiṇṇakhettā dohiṃ padesehiṃ 2, ṇiddhā vā dohiṃ 3, ubhagaṃ vā dohiṃ dohiṃ 4, kālato so cceva khaṃdho | sītapariṇato parivattikāle abhiṇṇasamato savvo tassa do ṇiddhā, do lukkhā, paḍikkamabhiṇṇakālā 1 | lukkhadugamaṇṇo paramāṇū aṇṇammi aṇṇā aṇṇammi kāle du ya lukkhā 2 | evaṃ kālabhedeṇa ṇiddhaduge bahuvayaṇaṃ 3 | ubhayeva bhāvato ega guṇakālato, khaṃdho sīto ega guṇa sīto ceva ṇiddhadugaṃ, lukkhadugaṃ ca | taheva 2 lukkhassa | ego duguṇalukkho teṇa bahuvaṇaṃ 2 | evaṃ ṇiddhe vibhedo 3 | tahā do vi ṇiddha - lukkhā bhijjati | cautthabhaṃgo | evaṃ vaṇṇato je tullo so - [Previous: p82](https://indike.org/pramana/in.jaina.sveta.anga.5!curni.p82) - [Next: p84](https://indike.org/pramana/in.jaina.sveta.anga.5!curni.p84) ## Linked texts (1) - [Viyāhapannatti](https://indike.org/pramana/in.jaina.sveta.anga.5.20.1.779) — Sudharman, Ardhamāgadhī Prakrit --- Source: [https://indike.org/pramana/in.jaina.sveta.anga.5!curni.p83](https://indike.org/pramana/in.jaina.sveta.anga.5!curni.p83) · Pramāṇa