Nayadhammakahao 1.2.1
Nāyādhammakahāo 1.2.1
- Language
- Ardhamāgadhī Prakrit
1.2.1.1
jaï ṇaṁ bhantē samaṇēṇaṁ bhagavayā mahāvīrēṇaṁ paḍhamassa nāyajjhayaṇassa ayamaṭṭhē pannattē bitiyassa ṇaṁ bhantē nāyajjhayaṇassa kē aṭṭhē pannattē?
1.2.1.2
ēvaṁ khalu jambū tēṇaṁ kālēṇaṁ tēṇaṁ samaēṇaṁ rāyagihē nāmaṁ nayarē hōtthā-vaṇṇaō, tassa ṇaṁ rāyagihassa nayarassa bahiyā uttarapuratthimē disībhāē guṇasilaē nāmaṁ cēiē hōtthā, vaṇṇaō tassa ṇaṁ guṇasilayassa cēiyassa adūrasāmantē ēttha ṇaṁ mahaṁ ēgaṁ jiṇṇujjāṇē yāvi hōtthā-viṇaṭṭhadēvaülē parisaḍiyatōraṇagharē nāṇāvahaguccha-gumma-layā-valli-vacchacchāiē aṇēga-vālasaya-saṅkaṇijjē yāvi hōtthā, tassa ṇaṁ jiṇṇujjāṇassa bahumajjhadēsabhāē ēttha ṇaṁ mahaṁ ēgē bhaggakūvē yāvi hōtthā, tassa ṇaṁ bhaggakūvassa adūrasāmantē ēttha ṇaṁ mahaṁ ēgē māluyākacchaē yāvi hōtthā, kiṇhē kiṇhōbhāsē jāva rammē mahāmēhaniurambabhūē bahūhiṁ rukkhēhi ya gucchēhi ya gummēhi ya layāhi ya vallīhi ya taṇēhi ya kusēhi ya khaṇṇuēhi ya sañchaṇṇē palicchaṇṇē antō jhusirē bāhiṁ gambhīrē aṇēga-vālasaya-saṅkaṇijjē yāvi hōtthā.
Translations (2)
- Nāyādhammakahāo: Hindi translation (Dīparatnasāgara, 2019) — Hindi
- Nāyādhammakahāo: Gujarati translation (Dīparatnasāgara, 2020) — Gujarati
Commentaries (2)
- Jñātādharmakathāvṛtti — Abhayadeva Sūri, Sanskrit
- Nāyādhammakahāo: ṭīkānusārī vivecana — Muni Dīparatnasāgara, Gujarati