Pramāṇa · Search · About · API

Biha Kappa 4.22

Bihā Kappa 4.22

Language
Ardhamāgadhī Prakrit

4.22.1

gaṇāvacchēiē ya icchējjā annaṁ āyariya-uvajjhāyaṁ uddisāvēttaē, nō sē kappaï gaṇāvacchēiyattaṁ anikkhivittā annaṁ āyariya-uvajjhāyaṁ uddisāvēttaē, kappaï sē gaṇāvacchēiyattaṁ nikkhivittā annaṁ āyariya-uvajjhāyaṁ uddisāvēttaē.

4.22.2

nō sē kappaï anāpucchittā āyariyaṁ vā jāva gaṇāvacchēiyaṁ vā annaṁ āyariya uvajjhāyaṁ uddisāvēttaē kappaï sē āpucchittā āyariyaṁ vā jāva gaṇāvacchēiyaṁ vā annaṁ āyariya-uvajjhāyaṁ uddisāvēttaē.

4.22.3

tē ya sē viyarējjā ēvaṁ sē kappaï annaṁ āyariya-uvajjhāyaṁ uddisāvēttaē, tē ya sē nō viyarējjā ēvaṁ sē nō kappaï annaṁ āyariya-uvajjhāyaṁ uddisāvēttaē, nō sē kappaï tēsiṁ kāraṇaṁ adīvēttā annaṁ āyariya-uvajjhāyaṁ uddisāvēttaē kappaï sē tēsiṁ kāraṇaṁ dīvēttā annaṁ āyariya-uvajjhāyaṁ uddisāvēttaē.

Translations (2)

Commentaries (4)