Biha Kappa 4.23
Bihā Kappa 4.23
- Language
- Ardhamāgadhī Prakrit
4.23.1
āyariya-uvajjhāē ya icchējjā annaṁ āyariya-uvajjhāyaṁ uddisāvēttaē, nō sē kappaï āyariya uvajjhāyassa āyariya-uvajjhāyattaṁ anikkhivittā annaṁ āyariya-uvajjhāyaṁ uddisāvēttaē, kappaï sē āyariya-uvajjhāyattaṁ nikkhivittā annaṁ āyariya-uvajjhāyaṁ uddisāvēttaē.
4.23.2
nō sē kappaï anāpucchittā āyariyaṁ vā jāva gaṇāvacchēiyaṁ vā annaṁ āyariya-uvajjhāyaṁ uddisāvēttaē, kappaï sē āpucchittā āyariyaṁ vā jāva gaṇāvacchēiyaṁ vā annaṁ āyariya uvajjhāyaṁ uddisāvēttaē.
4.23.3
tē ya sē viyarējjā ēvaṁ sē kappaï annaṁ āyariya-uvajjhāyaṁ uddisāvēttaē, tē ya sē nō viyarējjā ēvaṁ sē nō kappaï annaṁ āyariya-uvajjhāyaṁ uddisāvēttaē.
4.23.4
nō kappaï tēsiṁ kāraṇaṁ adīvēttā annaṁ āyariya-uvajjhāyaṁ uddisāvēttaē, kappaï sē tēsiṁ kāraṇaṁ dīvēttā annaṁ āyariya-uvajjhāyaṁ uddisāvēttaē.
Translations (2)
- Bihā Kappa: Hindi translation (Dīparatnasāgara, 2019) — Hindi
- Bihā Kappa: Gujarati translation (Dīparatnasāgara, 2020) — Gujarati
Commentaries (4)
- Bṛhatkalpalaghubhāṣya — Saṅghadāsagaṇi Kṣamāśramaṇa, Māhārāṣṭrī Prakrit
- Bṛhatkalpavṛtti — Malayagiri & Kṣemakīrti, Sanskrit
- Kappacuṇṇi — Māhārāṣṭrī Prakrit
- Bihā Kappa: ṭīkānusārī vivecana — Muni Dīparatnasāgara, Gujarati