<!-- Pramāṇa, a library of Indian primary sources · https://indike.org/pramana/in.jaina.sveta.mula.2!deepratnasagar.1007 -->

[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Uttarajjhayana: tikanusari vivecana](https://indike.org/pramana/in.jaina.sveta.mula.2!deepratnasagar) › 1007

# Uttarajjhayana 1007

Uttarajjhayaṇa: ṭīkānusārī vivecana 1007

- **Language:** Gujarati

### [1007](https://indike.org/pramana/in.jaina.sveta.mula.2!deepratnasagar.1007)

વિવેચન–૫૧૧  
મેં સાંભળેલ છે, હે આયુષ્યમાન્‌! તે ભગવંતે આ પ્રમાણે કહેલ છે. આ ક્ષેત્ર કે પ્રવચનમાં સ્થવીર - ગણધરો વડે, પરમ ઐશ્વર્યાદિ યુક્ત ભગવંતે દશ બ્રહ્મચર્ય સમાધિ સ્થાનો પ્રરૂપેલ છે એટલે અમે અમારી બુદ્ધિથી નહીં કહેતા પણ ભગવંતે પણ આ પ્રમાણે કહેલ છે, મેં સાંભળેલ છે, તેથી અહીં અનાસ્થા ન કરવી. તેને જ વિશેષિત કરે છે.  
જે બ્રહ્મચર્ય સ્થાનોને ભિક્ષુ શબ્દથી સાંભળે તેને જ અર્થથી અવધારે છે. સંયમ - આશ્રવ વિરમણાદિ ઘણી સંખ્યામાં થાય તે રીતે. તેમાં સંયમબહુલ - વિશુદ્ધ, વિશુદ્ધતર સંયમ ફરી-ફરી કરે. અથવા પ્રભૂત સંયમ જેને છે તે બહુલસંયમ. તેથી જ સમાધિ - ચિત્ત સ્વાસ્થ્ય, તેની બહુલતા તે બહુલ સમાધિ. ગુપ્ત - મન, વચન, કાયાથી ગુપ્ત. ગુપ્તપણાથી જ ગુપ્ત વિષય પ્રવૃત્તિથી રક્ષિત શ્રોત્રાદિ ઈન્દ્રિયો જેના વડે છે તે. તે નવ ગુપ્તિના સેવનથી બ્રહ્મચર્ય આચરવાના શીલવાળા તે ગુપ્ત બ્રહ્મચારી. સદા સર્વકાળ પ્રમાદ રહિત વિચરે અર્થાત્‌ અપ્રતિબદ્ધ વિહારપણાથી વિચરે.  
આ સંયમ બહુલત્વ આદિ દશ બ્રહ્મચર્ય સમાધિ સ્થાનનું ફળ કહ્યું. કેમકે તેનો તેની સાથે અવિનાભાવિત્વથી સંબંધ છે.

- [Previous: 1006](https://indike.org/pramana/in.jaina.sveta.mula.2!deepratnasagar.1006)
- [Next: 1008](https://indike.org/pramana/in.jaina.sveta.mula.2!deepratnasagar.1008)

## Linked texts (2)

- [Uttarajjhayaṇa (Āgamasuttāṇi, ed. Dīparatnasāgara 2012)](https://indike.org/pramana/in.jaina.sveta.mula.2*deepratnasagar2012.16.1) — Ardhamāgadhī Prakrit
- [Uttarajjhayaṇa: Gujarati translation (Dīparatnasāgara, 2020)](https://indike.org/pramana/in.jaina.sveta.mula.2~gu-deepratnasagar2020.16.1) — Gujarati

---
Source: [https://indike.org/pramana/in.jaina.sveta.mula.2!deepratnasagar.1007](https://indike.org/pramana/in.jaina.sveta.mula.2!deepratnasagar.1007) · Pramāṇa
