[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p103 # Uttarajjhayana p103 Sukhabodhā p103 - **Language:** Sanskrit ### [p103](https://indike.org/pramana/in.jaina.sveta.mula.2!devendragani.p103) śrīuttarā yayanasūtre śrīnaimica- ndrīyavṛttiḥ ||45|| dvitīyaṃ parīpahādhyayanam | tarjayet' nā'bhibhaved, anyathābhūtaścābhibhūyata iti bhāvaḥ | jahā kohapisāeṇa vāsudevo pasaṃtappā na jio || dārugāi appasaṃtā jiya tti | tathā hi laukikamudāharaṇam-vāsudeva-baladeva-saccaga-dārugā assāvahiyā aḍavīe naggohapāyavassa ahe rattiṃ vāsovagayā jāmaggahaṇaṃ kareṃti | dārugassa paḍhame jāme koho pisāyarūvaṃ kāūṇaṃ āgao dārugaṃ bhaṇai-āhāratthī haṃ uvāgao, ee sutte bhakkhayāmi juddhaṃ vā dehi | dārugeṇa bhaṇiyaṃ-bāḍhaṃ | teṇa saha saṃpalaggo | dārugo ya taṃ pisāyaṃ jahā jahā na sakei nihaṇiuṃ tahā tahā se koho vaḍui | evaṃ so dārugo kicchappāṇo |taṃ jāmagaṃ nibāhei, pacchā sañcagaṃ uṭṭhāvei | saccago vi taheva pisāeṇa kicchappāṇo kao| taie jāme baladeva | uṭṭhavei | evaṃ baladevo vi cautthe jāme vāsudevaṃ uṭṭhavei | vāsudevo vi teṇa pisāeṇa taheva bhaṇio| vāsudevo vi bhaṇai-mamaṃ aṇijjiṇiuṃ kahaṃ mama sahāe khāhisi | juddhaṃ saṃpalaggaṃ | jahā jahā jujjhae pisāo tahā tahā vāsudevo 'aho balasaṃpanno ayaṃ mallo' iti tussae | jahā jahā tussae tahā tahā pisāo parihāyati ti | so teṇa evaṃ khavio jeṇa ghettuṃ oyaḍīe chūḍho | pabhāe passae te bhinnajāṇukoppare | 'keṇeyaṃ tumha kayaṃ ?' ti puṭṭhā bhaṇaṃti–pisāeṇa | vāsudevo bhaṇai-sa esa kovo pisāyarūvadhārī mayā pasaṃtayāe jio, oyaḍiyāe kaḍḍeūṇa darisio iti sūtrārthaḥ || 31 || udāharaṇam-egammi gāme ego pārāsaro nāma gāhāvaī | tammi ya agne vi pārāsarā asthi | so puṇa kisīe kusalo, teṇa kisipārāsaro| so ya tammi gāme niusao rāuliyaṃ cariṃ vāhāvei | annayā bhoyaṇavelāe bhatte vi āṇie vasabhe moeṣakāme bhaṇai-karisae ekakaṃ halacaṃbhaṃ deha, mamāvi gharī hou tti, tā pacchā bhuṃjaha | tesiṃ chahiṃ vi halasaehiṃ bahuyaṃ vāhiyaṃ, teṇa tahiṃ bahuyamaṃtarāiyaṃ baddhaṃ | mariūṇa ya so saṃsāraṃ bhamiūṇa aneṇa sukayaviseseṇa vāsudevassa 1 apakṛṣṭyā pām̐uṃse ghasīṭake| ||45|| - [Previous: p102](https://indike.org/pramana/in.jaina.sveta.mula.2!devendragani.p102) - [Next: p104](https://indike.org/pramana/in.jaina.sveta.mula.2!devendragani.p104) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.30) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p103](https://indike.org/pramana/in.jaina.sveta.mula.2!devendragani.p103) · Pramāṇa