[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p105 # Uttarajjhayana p105 Sukhabodhā p105 - **Language:** Sanskrit ### [p105](https://indike.org/pramana/in.jaina.sveta.mula.2!devendragani.p105) CXCXCXCX vyākhyā – 'jñātvā' adhigamya 'utpatitaṃ' udbhūtaṃ duḥkhayatīti duḥkhaḥ - jvarādirogaḥ taṃ 'vedanayā' sphoṭaka pṛṣṭhagrahādyanubhavarūpayā duḥkhena ārttaḥ kriyate sa duḥkhārttitaḥ 'adīnaḥ' avikuvaḥ 'sthāpayet' duḥkhārttitatvena calantīṃ sthirīkuryāt 'prajñāṃ ' 'svakarmaphalameva etat' iti tattvadhiyam, apeluptatvād yadā puṣṭairvyādhibhiḥ 'spṛṣṭo'pi' vyāpto'pi rājamandādibhiḥ | 'tatra' prajñāsthāpane 'adhyāsīta' adhisaheta, prakramād rogajaṃ duḥkhamiti sūtrārthaḥ || 32 || syādetat cikitsayā kiṃ na tadapanodaḥ kriyate ? ityāha tigicchaṃ nābhiṇaṃdejā, saṃcikkha'ttagavesae | eyaṃ khu tassa sāmaṇṇaṃ, jaṃṇa kujjā ṇa kārave ||33|| vyākhyā – 'cikitsāṃ' rogapratīkārarūpāṃ 'nā'bhinandet ' nā'numanyeta anumatiniṣedhācca dūrāpāste karaṇakāraṇe | “ saṃcikkha" tti prākṛtatvādekāralope 'saṃcikṣeta' samādhinā tiṣṭheta, na kūjitakarkarāyitādi kuryāt | ātmānaṃ cāritrātmānaṃ gaveṣayati - tadpāyarakṣaṇena mārgayatīti ātmagaveṣakaḥ | kimityevam ? ata āha— 'etat' anantaramabhidhāsyamānaṃ " khu” ti yasmādarthe tato yasmādetat 'tasya' śramaṇasya 'śrāmaṇyaṃ' śramaṇabhāvo yanna kuryāt na kārayed upalakṣaṇatvānnā'numanyeta prakramāñcikitsām, jinakalpikāpekṣaṃ caitat, sthavirakalpikāstu apavāde puṣṭālambino yatanayā kārayantyapi | yaduktam — "kāhaṃ achittiṃ aduvā ahīhaṃ, tavovahāṇesu ya ujjamissaṃ | gaṇaṃ ca nīīe vi sāravissaṃ, sālaṃbasevī samuvei mokkhaṃ || 1 || tathā —bhā kuṇau jai tigicchaṃ, ahiyāseūṇa jai tarai sammaṃ | ahiyā saṃtassa puṇo, jai se jogā na hāyaṃti || 2 || iti sūtrārthaḥ || 33 || 1 "kariṣye 'cchittimathavā'dhyeṣye tapaupadhāneṣu codyaṃsye | gaṇaṃ ca nītyā'pi sārayiṣye sālambasevī samupaiti mokṣam || 1 ||” 2 " mā karotu yadi cikitsāṃ, adhyāsituṃ yadi śaknoti samyak | adhyāsamānasya punaryadi tasya yogā na hīyante || 2 ||" dvitīyaṃ parīṣahādhyayanam | - [Previous: p104](https://indike.org/pramana/in.jaina.sveta.mula.2!devendragani.p104) - [Next: p106](https://indike.org/pramana/in.jaina.sveta.mula.2!devendragani.p106) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.33) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p105](https://indike.org/pramana/in.jaina.sveta.mula.2!devendragani.p105) · Pramāṇa