[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p110 # Uttarajjhayana p110 Sukhabodhā p110 - **Language:** Sanskrit ### [p110](https://indike.org/pramana/in.jaina.sveta.mula.2!devendragani.p110) u0 a0 9 svayūthyāḥ paratīrthikā vā 'tāni' abhivādanādīni 'pratisevante' āgamaniṣiddhānyapi bhajante na tebhyaḥ spṛhayet - yathā sulabdhajanmāno'mī ye evaṃvidhairabhivādanādibhiḥ satkriyanta iti | 'muniḥ' anagāra iti sūtrārthaḥ || 38 || kiñcaaṇukkasāī apicche, annāesī alolue| rasesu nāṇugijjhejjā, nāṇutappeja pannavaṃ || 39 || vyākhyā- 'aṇukaṣāyī' alpakaṣāyī, ko'rthaḥ ? – satkārādikamakurvate na kupyati, tatsaṃpattau vā nā'haṃkāravān bhavati | yata uktam — “limaṃtha mahaṃ viyāṇiyā, jā vi ya vaṃdaṇa pūyaṇā ihaṃ | suhume salle duruddhare, ii saṃkhāya muṇī na majjai ||| 1 || " na vā tadarthamātāpanādi chadma kurute, na ca tatra gṛddhiṃ vidhatte | ata eva 'alpecchaḥ ' dharmopakaraṇaprāptimātrābhilāṣī, na satkārādyākāṃkṣī | yata uktam — “siṃgārametta saṃpaya sayala, navī na verī ittha tahiṃ | iya jāṇivi jiya ! saṃtosu kari, pāvai appā sokkha jahiṃ || 1 ||" ata eva ajñāto jātiśrutādibhiḥ eṣati - uñchati piṇḍādi iti ajñātaiṣī, kutaḥ punarevam ? yataḥ 'alolupaḥ' sarasaudanādiṣu na lāmpaṭyavān | evaṃvidho'pi sarasāhārabhojino vīkṣya parān kadāci - danyathā syād ata āha— 'raseṣu' madhurādiṣu 'nā'nugṛddhyet' nā'bhikāṅkṣāṃ kurvīta, rasagṛddhivarjanopadeśaśca tadvṛddhita eva bāliśānāmabhivādanādispṛhāsambhavāt | tathā 'nā'nutapyeta' tīrthāntarīyān nṛpatyādibhiḥ satkriyamāṇānavekṣya 'kimahameṣāṃ madhye na prabrajita: ? kiṃ mayā katipayajanapūjyā itarajanasyāpi paribhavanīyāḥ śvetabhikṣavo'ṅgīkṛtāḥ ?' iti na paścāttāpaṃ vidhatte 'prajñāvān' heyopādeyavivecananipuṇabuddhimān | anena satkāre pramodaṃ nyakkāre ca viṣādamakurvatā'yaṃ parīṣahos - dhyāsitavya ityuktaṃ bhavatīti sūtrārthaḥ || 39 || 1 ‘“vighnaṃ mahad vijānīyād, yā'pi ca vandanā pūjaneha | sūkṣmaṃ śalyaṃ duruddharamiti saṃkhyāya munirna mādyati || 1 ||” 2 “śṛṅgāramātraṃ sampat sakalā, nā'pi na vairī atra tatra | iti jñātvā jīva ! santoṣaṃ kuru, prāmoti ātmā saukhyaṃ yatra || 2 || " XCXCXCXXX - [Previous: p109](https://indike.org/pramana/in.jaina.sveta.mula.2!devendragani.p109) - [Next: p111](https://indike.org/pramana/in.jaina.sveta.mula.2!devendragani.p111) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.39) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p110](https://indike.org/pramana/in.jaina.sveta.mula.2!devendragani.p110) · Pramāṇa