[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p132 # Uttarajjhayana p132 Sukhabodhā p132 - **Language:** Sanskrit ### [p132](https://indike.org/pramana/in.jaina.sveta.mula.2!devendragani.p132) vicittakahāhiṃ gaṃdhavāikalāhiṃ ṇāṇākougehi ya ṇāyarajaṇaṃ | pasiddho jāo | atthi ya tattha rūvalāvannavinnāṇagaviyā devadattā nāma pahāṇagaṇiyā | suyaṃ ca teṇa-na raṃjijjai esā keṇai sāmannapuriseṇa attagaviyā | tao kougeṇa tīe khohaṇatthaṃ paśūsasamae āsannattheṇa āḍhattaṃ sumahararavaṃ bahubhaṃgigholirakaṃṭhaṃ annannavannasaṃveharamaṇijjaṃ gaṃdha, | suyaṃ ca taṃ\]X devadattāe, ciṃtiyaṃ ca-aho! auvā vāṇī, tā divo esa koi, na maṇussametto | gavesāvio ceḍīhiṃ | gaviṭṭho, diṭṭho mūladevo vāmaṇarūvo | sāhiyaṃ jahaṭṭhiyameīe | pesiyā tīe tassa vāharaṇathaṃ māhavābhihāṇā khujaceḍī | gaṃtūṇa viṇayapuvayaṃ bhaṇio tīe-bho mahāsatta ! amha sāmiṇī devadattā vinnavei-kuṇaha pasāyaṃ, eha amha gharaṃ | teṇa viyaḍḍayāe bhaṇiyaṃ-na paoyaṇaṃ me gaṇiyājaṇasaṃgaṇa, nivārio visiṭṭhāṇa vesāsaṃjogo | bhaṇiyaṃ ca-yā vicitraviṭakoṭinighṛṣṭā, madyamāṃsaniratā'tinikṛṣṭā | komalā vacasi cetasi duṣṭā, tāṃ bhajanti gaṇikāṃ na viśiṣṭāḥ || 1|| yopatāpanaparā'gniśikheva, cittamohanakarī madireva | dehadāraṇakarī kṣurikeva, garhitā hi gaṇikā salikeva ||2|| ao natthi me gamaṇābhilāso | tīe vi aṇegāhiṃ bhaṇiibhaṃgīhiṃ ārāhiūṇa cittaṃ mahānibaṃdheṇa kare ghettūṇa nīo gharaṃ | vaccaṃteṇa ya sā khujā kalākosalleṇa ya vijāpaogeṇa ya apphāliūṇa kayā pauṇā | vimhayakkhittamaṇāe pavesio so bhavaṇe | diṭṭho devadattāe vāmaṇarūvo aucalāvannadhārī | vimhiyāe devadattāe davāviyamāsaṇaṃ | nisanno ya so| dinno taṃbolo | daṃsiyaṃ ca māhavīe attaṇo rūvaṃ, kahio ya vaiyaro| suhṛyaraṃ vimyiā | pāraddho ālāvo mahurāhiṃ viyaḍabhaṇiīhiṃ | āgarisiyaṃ ca teṇa tīe hiyayaṃ | bhaṇiyaṃ ca-aṇuṇayakusalaṃ parihāsapesalaṃ laḍahavāṇidullaliyaṃ | ālavaṇaṃ pi hu cheyāṇa kammaṇaṃ kiṃ ca mūlīhiṃ ||1|| etthaṃtare āgao tatthego vīṇāvāyago| vāiyā teṇa vīṇā | raṃjiyā devadattā | 1.bhaṇii0 bhāṣā| XXXXXXXXXXXXX - [Previous: p131](https://indike.org/pramana/in.jaina.sveta.mula.2!devendragani.p131) - [Next: p133](https://indike.org/pramana/in.jaina.sveta.mula.2!devendragani.p133) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.1_2) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p132](https://indike.org/pramana/in.jaina.sveta.mula.2!devendragani.p132) · Pramāṇa