[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p140 # Uttarajjhayana p140 Sukhabodhā p140 - **Language:** Sanskrit ### [p140](https://indike.org/pramana/in.jaina.sveta.mula.2!devendragani.p140) bhaṇiyaṃ ca-ācāraḥ kulamākhyāti, deśamākhyāti jalpitam | sambhramaḥ snehamākhyāti, vapurākhyāti bhojanam || 1|| tahā–ko kuvalayāṇa gaṃdhaṃ, karei mahurattaṇaṃ ca ucchraṇaṃ ?| varahatthīṇa ya līlaṃ, viṇayaṃ ca kulappasūyāṇaṃ? ||2|| ahavājai hum̐ti guṇā tā kiṃ, kuleṇa? guṇiṇo kuleṇa na hu kajaṃ | kulamakalaṃkaṃ guṇavajjiyāṇa garuyaṃ ciya kalaṃkaṃ ||3|| evamāibhaṇiīhi paḍivajjāviya suhamuhutteṇa pariṇāvio| kahiyaṃ suviṇagaphalaṃ-sattadiṇabhaṃtare rāyā hohisi | taṃ ca soūṇa jāo pahaṭṭhamaṇo, acchai ya tattha suheṇaṃ | paṃcame ya divase gao nayarabāhiṃ, nisanno caṃpagacchāyāe | io ya-tīe nayarīe aputtorāyā kālagao | tattha ahiyāsiyāṇi paṃca divāṇi | tāṇi āhiṃḍiya nayaramajjhe niggayāṇi bāhiṃ pattāṇi mūladevasayāsaṃ | diṭṭho ya so apariyattamāṇacchāyāe hiṭṭhao| taṃ pecchiya guluguliyaṃ hathiṇā, hesiyaṃ turaṃgeṇa, ahisitto bhiṃgāreṇaṃ, vīio cāmarehiṃ, ṭhiyamuvari puṃḍariyaṃ | tao kao loehiṃ jayajayāravo | caḍāvio gaeṇa khaṃdhe | paisārio ya nayariṃ| abhisitto ya maṃtisāmaṃtehiṃ | bhaṇiyaṃ ca gayaṇatalagayāe devayāe-bho ! bho! esa mahāṇubhāvo ase| sakalāpāragao devayāhiṭṭhiyasarīro vikkamarāo nāma rāyā, tā eyassa sāsaṇe jo na vaṭṭai tassa nāhaṃ khamāmi tti | tao savo sāmaṃta-maṃti-purohiyāio pariyaṇo āṇāviheo jāo | tao udāraṃ visayasuhamaṇuhavaṃto ciṭṭhai | āḍhatto ujeṇisāmiṇā viyāradhavaleṇa saha saṃvavahāro, jāva jāyā paropparaṃ niraṃtarā pīī | io ya devadattā tārisaṃ viḍaṃbaṇaṃ mūladevassa pecchiya virattā aīva ayalovari | tato nibhacchio ayalo-bho ! ahaṃ vesā, na uṇa ahaṃ tujjha kulapariṇī, tahā vi majjha gehattho evaṃ vihaṃ vavaharasi, tā mamicchāe ṇa puṇo khijjiyavaṃ' ti bhaṇiya gayā rāiṇo sayāsaṃ | bhaṇio ya nivaḍiya calaṇesu rāyā-sāmi ! teṇa vareṇa kīrau pasāo| rāiṇā bhaṇiyaṃ-bhaṇa, kao ceva tujha pasāo?, kimavaraṃ bhaṇīyai ? | devadattāe bhaṇiyaṃ-tā sāmi ! mūladevaṃ vajjiya ṇa anno puriso mama āṇāvayabo, eso BXOXOXOXOXOXOXOXOXOXOXOXOX - [Previous: p139](https://indike.org/pramana/in.jaina.sveta.mula.2!devendragani.p139) - [Next: p141](https://indike.org/pramana/in.jaina.sveta.mula.2!devendragani.p141) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.1_2) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p140](https://indike.org/pramana/in.jaina.sveta.mula.2!devendragani.p140) · Pramāṇa