[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p160 # Uttarajjhayana p160 Sukhabodhā p160 - **Language:** Sanskrit ### [p160](https://indike.org/pramana/in.jaina.sveta.mula.2!devendragani.p160) Aya uvaveo tubbhaṃ āyario hou | tehiṃ satvaṃ paḍicchiyaṃ | iyaro vi bhaṇio-jahā haṃ vaṭṭio phaggurakkhiyassa | gohāmāhilassa ya tahā tubbhehi vi baṭṭiyavaṃ | tāṇi vi bhaṇiyāṇi-jahā tubbhe mamaṃ vaṭṭiyāiṃ tahā eyassa vi vaḍhejjāha, avi ya ahaṃ kae vā akae vā na rūsāmi esa na khamihi tti | evaṃ do vi vagge appāhittā bhattaṃ pañcakkhāya kālagayā devalogaṃ gayā | iyareṇa vi suyaṃ-jahā āyariyā kālagayā | tāhe āgao pucchai-ko gaṇaharo ṭhavio ?| kuḍagaviluto ya suo | tāhe vīsuṃ paḍissae ṭhāiūṇa pacchā āgao | tāhe tehiṃ savehiṃ abbhuḍio iha ceva ṭhāha | | tāhe necchai | so vi bāhiṃ ṭhio annāṇi vuggāhei paraṃ na sakkai vuggāhiuṃ| io ya āyariyā atthaporisiṃ kariti | so ṇa suṇai, bhaṇai-suṇeha tubbhe nipphāvakuḍassa samīve | tesu uḍhiesu viṃjho aṇubhāsai | aṭṭhame kammappavāyapuve kammaṃ pannavijai | jīvassa ya kammassa ya kahaṃ baṃdho ? | tattha te bhaṇaṃti—baddhaṃ puḍhe nikāiyaṃ, bar̤hajahā suikalāyo taṃtubaddho, puṭuṃ-jahā kiṭṭeṇa ghaṇaniraṃtarāo kayāo, nikāiyaṃ--jahā tāveūṇa piṭṭiyā, evaṃ kammaṃ rāgadosehiṃ jīvo paḍhamaṃ baṃdhai, pacchā taṃ pariṇāma amuṃcaṃto puḍhe karei, teṇāvi saṃkilidveṇa pariṇāmeṇa kiṃci nikāei, nikāiyaṃ| niruvakkama udayeṇa veijjai, annahā taṃ na veijjai | tāhe so goṭṭhāmāhilo vārei–erisaṃ na saṃbhavai, na tayā erisaṃ amhehiṃ suyaṃ-jai ya evaṃ kammaṃ baddhaṃ puḍhe nikāiyaṃ, evaṃ bho! mokkho na bhavissai| to khāi kiha bajjhai ? | bhaṇaisuṇaha-jahā kaṃcuo kaṃcuiṇaṃ purisaṃ phusai na uṇa so kaṃcuo sarīreṇa samaṃ baddho, evaṃ ceva kammaṃ pi puḍhe na uṇa baddhaṃ jīvapaesehiṃ samaṃ, jassa baddhaṃ tassa kammasaṃsāravocchittī na bhavissai, ettiyamāyariehiṃ amhaṃ kahiyaṃ, eso na yāṇai | tāhe viṃjho saṃkio samāṇo pucchiuṃ gao 'mā mae annahā gahiyaṃ havijā' | tāhe pucchiyā 1śikṣayitvā | - [Previous: p159](https://indike.org/pramana/in.jaina.sveta.mula.2!devendragani.p159) - [Next: p161](https://indike.org/pramana/in.jaina.sveta.mula.2!devendragani.p161) --- Source: [https://indike.org/pramana/in.jaina.sveta.mula.2!devendragani.p160](https://indike.org/pramana/in.jaina.sveta.mula.2!devendragani.p160) · Pramāṇa