[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p18 # Uttarajjhayana p18 Sukhabodhā p18 - **Language:** Sanskrit ### [p18](https://indike.org/pramana/in.jaina.sveta.mula.2!devendragani.p18) tvāt śunyāḥ 'sūkarasya ca' dṛṣṭāntasya 'narasya ca' dāntikasya 'vinaye' vakṣyamāṇasvarūpe sthāpayedātmānam ātmanaiveti gamyate, icchan 'hitam' aihikamā''muṣmikamātmanaḥ, vinayādeva hi tatsambhavāt | āha ca-"viṇayā ṇāṇaṃ ṇāṇāo dasaṇaṃ dasagāo caraṇaṃ ca | caraṇāhiṃto mokkho, mokkhe sokkhaṃ nirābāhaṃ ||1||” iti sūtrārthaḥ||6|| yataścaivamataḥ kim ? ityāhatamhā viṇayamesijjā, sīlaṃ paḍilabhejao| vuddhaputte niyāgaṭṭī, ṇa ṇikkasijai kaṇhui ||7|| vyākhyā-tasmād vinayam 'eṣayet' anekārthatvena dhātūnāṃ kuryāt | kiṃ punarvinayasya phalaṃ yenaivamupadiśyate ? | ityāha-śīlam' uktasvarūpaṃ 'pratilabheta' prāpnuyāt 'yataḥ' vinayāt , anena vinayasya śīlāvāptiḥ phalamuktam | asyā'pi | kim ? ityāha-buddhānām-ācāryādīnāṃ putra iva putro buddhaputraḥ, "ऍttā ya sīsā ya samaṃ vibhattā" itivacanāt , svarūpa| viśeṣaṇametat , 'niyāgārthī' mokṣārthī san 'na niṣkāsyate' na bahiḥkriyate 'kutaścid' gacchagaṇādeḥ, kintu vinītatvena sarvaguṇādhāratayā sarvatra mukhyaḥ kriyata iti bhāva iti sūtrārthaḥ || 7 || kathaṃ punarvinaya eṣayitavyaḥ ? ityāhaṇisaṃte siyā amuharī, buddhāṇaṃ aṃtie sayā| atthajuttāṇi sikkhijā, ṇirahāṇi u vajae ||8|| \_\_\_ vyākhyā-'niśāntaḥ' nitarāmupaśamavān antaḥ krodhaparihāreṇa bahiśca praśāntākāratayā 'syāt' bhaved amukharaḥ san 'buddhānām ācāryādīnām| 'antike' samīpe 'sadā' sarvakālam , kim ? ityāha-'arthayuktāni' heyopādeyārthābhidhā|yakāni arthādāgamavacāṃsi 'śikṣeta' abhyasyet 'nirarthakāni' uktaviparītāni punarvaiśeṣika-vātsyāyanādīni strīkathādīni vā 'tuḥ' punararthe 'varjayet' pariharet | āha ca-"siṃgārarasuttuiyā, mohamaī phuphumā hasahasei | jaṃ suṇamāṇassa kahaṃ, samaṇeṇa na sā kaheyavā || 1 ||” iti sūtrārthaḥ || 8 || kathaṃ punararthayuktāni śikṣeta ? ityāha "vinayājjñānaṃ jñānāddarśanaṃ darśanācaraṇaṃ ca | caraṇāmmokṣo mokṣe saukhyaṃ nirābādham||1||" "putrāśca śipyāśca samaṃ vibhaktāḥ"| 3 "śṛṅgārarasottejitā mohamayī karīṣāgniḥ hasahasāyati | yāṃ śṛṇvataḥ kathā śramaṇena na sā kathayitavyā ||" - [Previous: p17](https://indike.org/pramana/in.jaina.sveta.mula.2!devendragani.p17) - [Next: p19](https://indike.org/pramana/in.jaina.sveta.mula.2!devendragani.p19) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.74.1.8) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p18](https://indike.org/pramana/in.jaina.sveta.mula.2!devendragani.p18) · Pramāṇa