[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p20 # Uttarajjhayana p20 Sukhabodhā p20 - **Language:** Sanskrit ### [p20](https://indike.org/pramana/in.jaina.sveta.mula.2!devendragani.p20) vyākhyā-"āhaca" kadācit 'caṇḍālīkam' uktasvarūpaṃ kṛtvā' vidhāya 'na nihuvīta' na kṛtamiti nā'palapet 'kadācidapi' yadā'pi parairnopalakṣitastadāpītyarthaḥ, tarhi kiṃ kuryāt ? ityāha-'kṛtaṃ' vihitaṃ caṇḍālīkādi 'kṛtamiti kṛtameva 'bhāṣeta' brūyād na bhayalajjādibhirakṛtamapi, tathā 'akṛtaṃ tadeva 'no kṛtamiti' akṛtameva bhāṣeta, na tu māyoparodhādinā kṛtamapi, anyathā mṛṣāvādādidoṣasambhavāt | idaṃ cātrā''kūtam-kathañcidaticārasambhave lajjādyakurvan svayaṃ gurusamīpamāgamya-"jaha bālo jaṃpato, kajamakajaṃ ca ujuyaṃ bhaṇati | taṃ taha āloejjā, māyāmayavippamukko u||1||" ityādyāgamamanusaran manaḥśalyaṃ yathāvadālocayediti sūtrārthaḥ||11|| ihaivaṃ punaḥ punarupadeśaśravaṇād yadeva gurūpadeśastadaiva pravartitavyaṃ nivartitavyaṃ ceti syādāśaṅkā tadapanodāyā''hamā galiyasseva kasaṃ, vayaṇamicche puṇo puṇo | kasaṃ va daṭṭhamāinne, pāvagaṃ parivajae ||12|| vyākhyā-'mā' niṣedhe, 'galyaśva iva' avinītaturaṅgama iva 'kasaṃ' kasaprahāraṃ 'vacana' pravṛttinivṛttiviṣayamupadeśaṃ prastāvād gurūṇām 'icchet' abhilaṣet 'punaḥ punaḥ' vāraṃ vāraṃ, kiṃ punaḥ kuryāt ? ityāha-'kasaṃ' carmayaṣṭiṃ dṛṣṭvā 'ākīrṇa iva' vinītāśva iva syāt , sambandhāt prastāvācchiṣyo gurorākārādi dṛṣṭvā 'pāpaka' gamyamānatvādanuṣṭhānaṃ 'parivarjayet' sarvaprakāraiḥ pariharet , upalakṣaṇatvāditaraccā'nutiṣṭhet , kimuktaṃ bhavati ?-yathā''kīrṇo'śvaḥ kasagrahaṇādinā''rohakāśayamupalabhya kasenā'śātita eva tadabhiprāyānurūpaṃ ceṣṭate tathā suśiṣyo'pyākārādibhirācāryāśayamavagamya vacanenā'prerita eva, mā bhūdācāryasya vacanāyāsa iti sūtrārthaḥ || 12|| galyākīrṇatulyayoḥ śiṣyayordoṣaguṇāvāha aṇāsavā thūlavayā kusīlā, miraṃ pi caṃḍaṃ pakaraṃti sīsā | cittāṇuyā lahu dakkhovaveyā, pasāyae te hu durāsayaṃ pi || 13 || .. “yathā bālo japan kāryamakārya carjukaṃ bhaṇati | tattathā''locayenmāyāmadavipramuktastu ||1||" - [Previous: p19](https://indike.org/pramana/in.jaina.sveta.mula.2!devendragani.p19) - [Next: p21](https://indike.org/pramana/in.jaina.sveta.mula.2!devendragani.p21) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.74.1.12-13) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p20](https://indike.org/pramana/in.jaina.sveta.mula.2!devendragani.p20) · Pramāṇa