[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p223 # Uttarajjhayana p223 Sukhabodhā p223 - **Language:** Sanskrit ### [p223](https://indike.org/pramana/in.jaina.sveta.mula.2!devendragani.p223) śrīuttarādhyayanasūtre śrīnaimica pañcamaṃ akāmamaraṇīyākhyamadhyayanam| ndrīyā | sukhabodhākhyā laghuvṛttiḥ | akāmamaraṇasvarūpam| ||105|| iti śeṣaḥ, 'bālaḥ' rāgādyākulitacittaḥ 'saṃtrasyati' samudvijate bibhetīti yāvat | kutaḥ ? 'bhayāt' narakagatigamana- sādhvasāt, anenākāmatvamuktam | sa ca kimevaṃ bibhyan maraṇād vimucyate uta na ? ityāha-akāmasya-anicchato| maraṇam akāmamaraṇaṃ tena, sūtre cā''rṣatvāt dvitīyā, 'mriyate' prāṇān tyajati, naraka cā'sau gacchati, tatra ca śocati | ka iva kīdṛśaḥ san ? 'dhūrta iva' dyūtakāra iva, vāśabdasyopamārthatvāt, 'kalinā' ekena prakramād dāyena jitaḥ | yathā hi | ayamekena dāyena jitaḥ sannātmānaṃ śocati tathā asāvapi itvarairvipākakaṭubhiḥ saṅkleśabahulairmanujabhogairdivyasukhaṃ hāritaḥ śocati duḥkhī sanniti sūtrārthaḥ || 16 || prastutamevārtha nigamayitumāha eyaṃ akāmamaraṇaṃ, bālāṇaṃ tu paveiyaṃ | itto sakāmamaraṇaṃ, paṃḍiyāṇaṃ suṇeha me ||17|| vyākhyā-'etat anantarameva duṣkṛtakarmaṇāṃ paralokādvibhyatāṃ yanmaraṇamuktaṃ tad akāmamaraṇaṃ bālānāmeva, tuśabdasyaivakārārthatvāt , 'praveditaṃ' prakarṣeṇa pratipāditaṃ tīrthakaragaṇadharādibhiriti gamyate | paṇḍitamaraṇaprastāvanārthamāha-'itto" tti 'itaḥ' akāmamaraṇādanantaraṃ 'sakāmamaraṇaṃ' paṇḍitānāṃ sambandhi 'śṛṇuta' ākarṇayata 'me' mama kathayata ityupaskāra iti sūtrārthaḥ || 17 || yathāpratijñātamāha maraṇaṃ pi sapunnāṇaṃ, jahā me tamaṇussuyaṃ | vippasannamaṇāghāyaṃ, saṃjayāṇaṃ vusīmao ||18|| \_\_\_ vyākhyā-'maraṇamapi' āstāṃ jīvitamityapiśabdārthaḥ, bhavatīti gamyate, 'sapuṇyānāṃ' puṇyavatāṃ, kiṃ sarvamapi ? na ityāha-'yathā' yena prakāreṇa 'me' mama kathayata iti gamyate, 'taditi upakṣepasūtropāttam 'anuśrutam' avadhāritaṃ bhavadbhiriti śeṣaḥ| vividhairbhāvanādimiḥ prakāraiḥ prasannāḥ-maraṇe'pi apagatamohatayā anākulacetaso viprasannāḥ tatsambandhi almaraṇamapi viprasannam | na vidyate āghātaḥ tathāvidhayatanayā'nyaprāṇināmātmanaśca vidhivatsaṃlikhitaśarīratayā yasmiṃstad | ||105|| - [Previous: p222](https://indike.org/pramana/in.jaina.sveta.mula.2!devendragani.p222) - [Next: p224](https://indike.org/pramana/in.jaina.sveta.mula.2!devendragani.p224) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.17_3) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p223](https://indike.org/pramana/in.jaina.sveta.mula.2!devendragani.p223) · Pramāṇa