[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p224 # Uttarajjhayana p224 Sukhabodhā p224 - **Language:** Sanskrit ### [p224](https://indike.org/pramana/in.jaina.sveta.mula.2!devendragani.p224) sakāmamaraṇasvarūpam| anāghātam | keṣāṃ punaridam ? ucyate-'saṃyatānā' samyakpāpoparatānāṃ cāritriṇāmityarthaḥ,“ busīmau" tti ārṣatvād 'vaśyavatāṃ' vaśyāni-āyattāni prakramād indriyāṇi vidyante yeṣāṃ te vaśyavantaḥ teṣām, etaccārthāt paṇḍitamaraṇameva | tato'yamarthaḥ-yathetat saṃyatānāṃ vaśyavatāṃ viprasannamanāghātaṃ ca bhavati tathā nā'nyaprāṇinām | uktañca-kāle supattadāṇaṃ, sammattavisuddhī bohilābhaṃ ca | aṃte samāhimaraṇaṃ, abhavajīvā na pāvaṃti || 1 || viśiṣṭayogyatāvatāmeva tatprāptiriti sūtrārthaḥ || 18 || tathā cāhana imaṃsavesubhikkhūsu,ṇa imaṃ savesugārisu|nāṇāsīlā yagārasthā, visamasīlā ya bhikkhuṇo|| \_\_ vyākhyā -'na' naiva 'idaṃ' paṇḍitamaraṇaṃ sarveṣu bhikṣuṣu' paradattopajīviṣu vratiṣvityarthaḥ, nedaṃ sarveṣu 'agāriṣu' | gṛhiṣu, sarbacāritriṇāmeva tatsambhavāt , tathātve ca teṣāmapi tattvato yatitvāt | yathā caitadevaṃ tathopapattita āha'nānāśīlāḥ' anekavidhavratā agārasthāḥ, teṣāṃ hi deśakarūpaṃ śīlam, deśarūpasya tasyānekadhā'bhidhānāt | 'viṣamaśīlāca' visadṛśaśīlāśca bhikṣavaḥ, nahi sarve'pyanidānino'vikalacāritriṇo vā tatkālaṃ mriyante jinamatapratipannā api, tīrthānta|rīyāstu dūrotsāritā eva | teṣu hi gṛhiṇastāvad atyantanānāśīlā eva, yataḥ kecit 'gṛhāśramapratipālanameva mahāvratamiti pratipannāḥ, "gṛhāśramaparo dharmo, na bhūto na bhaviṣyati | pālayanti narāḥ śūrāḥ, klīvāḥ pākhaṇḍamāśritāḥ||1||” itivacanāt | anye tu 'sapta śikṣāpadaśatāni gṛhiṇāṃ vratam' ityādyanekadhaiva bruvate | bhikṣavo'pyatyantaviṣamaśīlā eva, yatasteṣu keṣāścit paścayamaniyamātmakaṃ bratamiti darśanam , apareṣāṃ kandamūlaphalāśitaiva iti visadṛśaśīlatā | na ca teṣu kacidavikalacāritrasambhava iti sarvatra paṇḍitamaraṇābhāva iti sūtrārthaḥ || 19 || viṣamaśīlatāmeva bhikṣaṇāṃ samarthayitumāha "kāle supātradānaṃ, samyaktvaviśuddhiboṃdhilābhaśca | ante samādhimaraṇa, abhavyajīvā na prāmuvanti ||1||" - [Previous: p223](https://indike.org/pramana/in.jaina.sveta.mula.2!devendragani.p223) - [Next: p225](https://indike.org/pramana/in.jaina.sveta.mula.2!devendragani.p225) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.19_3) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p224](https://indike.org/pramana/in.jaina.sveta.mula.2!devendragani.p224) · Pramāṇa