[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p250 # Uttarajjhayana p250 Sukhabodhā p250 - **Language:** Sanskrit ### [p250](https://indike.org/pramana/in.jaina.sveta.mula.2!devendragani.p250) dārṭāntikayojanā| vyākhyā-evamiti kākiṇyāmrasadṛśā manuṣyāṇāmamī mānuṣyakāḥ 'kāmāḥ' viṣayāḥ devakāmānām 'antike | samīpe | kimityevam ? ata āha-'sahasraguṇitāḥ' sahasrestāḍitā divyakāḥ kāmā iti sambandhaḥ, 'bhūyaḥ' bahūn vārān , manuṣyāyuḥkāmā'pekṣayā iti prakramaḥ | anenaiṣāmatibhūyastvaṃ sūcayan kārpāpaṇasahasrarājyatulyatāmāha | 'āyuḥ' jīvitaṃ 'kāmāśca' śabdādayaḥ divi bhavā divyāsta eva divyakāḥ, iha cādau "devakāmāṇamaṃtie” tti kāmamātropādāne'pi “āuṃ kāmā ya didhiya" tti āyuṣo'pyupādānaṃ tatratyāyurādīnāmapi tadapekṣayaivaṃvidhatvasyāpanārthamiti sūtrārthaḥ||12|| manuṣyakāmānāmeva kākiṇyāmraphalopamatvaṃ bhāvayitumāhaaṇegavāsāṇauyā, jā sā pannavao ṭhiī| jāṇi jīyaṃti dummehā, ūṇe vāsasayāue ||13|| vyākhyā-varṣāṇāṃ-vatsarāṇāṃ nayutāni-saṃkhyāviśeṣā varṣanayutāni, prākṛtatvāt sakārasyākāraḥ | nayutā''nayanopāyastvayam-caturaśītivarṣalakṣāḥ pūrvāṅgam , tacca pūrvāṅgena guṇitaṃ pūrvam , pūrva caturaśītilakṣāhataṃ nayutāṅgam , nayutānaṃ caturaśītilakṣāhataṃ nayutamiti | anekāni ca tāni varṣanayutāni ca anekavarṣanayutāni, prākṛtatvāt puṃstvam | kā evamucyate ? ityāha-'yā se'ti prajñāpakaḥ śiṣyān pratyāha-yā sā bhavatāmasmākaṃ ca pratītā, prajñānaṃ prajñā-prakṛṣṭajñānaṃ tadvataḥ, na ca kriyāvikalaṃ jñānaṃ prakṛṣṭaṃ bhavati, "tajjñānameva na bhavati, yasmin rāgādayaḥ prakāśante" itivacanāt | tataśca prajñāvataḥ-śānakriyāvataḥ 'sthitiḥ' devabhavāyūrūpā, adhikṛtatvāt divyakāmāśca | tāni ca kīdṛśāni ? ityāha-'yāni' anekavarṣanayutāni divyasthiterdivyakāmānāṃ ca viṣayabhūtāni 'jīyante' hāryante taddhetubhūtānuṣṭhānā'nāsevaneneti bhāvaḥ, 'durmedhasaḥ' durbuddhayo viṣayairjitā jantava iti gamyate | kadā punardurmedhaso viṣayīyante ? ityāha yadvā'nekāni varṣanayutāni yeṣu tānyanekavarṣanayutāni ubhayatrārthataḥ palyopamasāgaropamāṇīti yāvat | - [Previous: p249](https://indike.org/pramana/in.jaina.sveta.mula.2!devendragani.p249) - [Next: p251](https://indike.org/pramana/in.jaina.sveta.mula.2!devendragani.p251) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.13_5) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p250](https://indike.org/pramana/in.jaina.sveta.mula.2!devendragani.p250) · Pramāṇa