[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p259 # Uttarajjhayana p259 Sukhabodhā p259 - **Language:** Sanskrit ### [p259](https://indike.org/pramana/in.jaina.sveta.mula.2!devendragani.p259) bālassa passa bālattaṃ, ahammaṃ paḍivajjiyā | ciccā dhammaṃ ahammiṭṭhe, ṇarae uvavajjai || 28 || dhīrassa passa dhīrataṃ, savadhammāṇuvattiṇo | ciccā ahammaṃ dhammiṭṭe, devesu uvavajjaī || 29 || tuliyāṇa bālabhāvaṃ, abālaṃ ceva paṃḍie | caiūṇa bālabhāvaṃ, abālaṃ sevae muṇī || 30 || tti bemi || vyākhyā—‘bālasya' ajñasya 'paśya' avadhāraya 'bālatvam' ajñatvam | kiṃ tat ? ityāha-- ' adharmma' dharmmavipakṣaṃ viṣayāsaktirūpaṃ 'pratipadya' abhyupagamya ' tyaktvā' hitvā 'dharma' viṣayanivṛttirūpaṃ sadācāraṃ "ahammiṭṭhe" tti prāgvat 'narake' sīmantakādau upalakṣaṇatvādanyatra vā durgatau utpadyate | tathā dhīḥ - buddhistayā rājata iti dhīraḥ - buddhimān parīṣahādyakṣobhyo vā dhīrastasya 'paśya' prekṣasva 'dhīratvaṃ' dhīrabhāvam, sarvaṃ dharma- kṣāntyādirūpam anuvarttate - tadanukūlācāratayā svīkuruta ityevaṃśīlo yastasya sarvvadharmānuvarttinaḥ, dhīratvamāha – ‘tyaktvā' hitvā 'adharmma' viṣayābhiratirūpamasadācāram, “dhammeḍhe" tti iṣṭadharmmā deveṣu upapadyata iti | yataścaivamato yadvidheyaṃ tadāha – 'tolayitve 'ti prāgvat 'bālabhāvaṃ' bālatvam “abālaṃ” ti bhāvapradhānatvāt nirdeśasya abālatvaṃ 'caḥ samuccaye, “eveti prākṛtatvād anusvāralope 'evam' anantaroktaprakāreṇa 'paṇḍitaḥ' buddhimān tyaktvā 'bālabhāvaṃ' bālatvaṃ “abālaṃ" ti abālatvaṃ 'sevate' anutiṣṭhati 'muniḥ' yatiriti sūtratrayārthaḥ || 28-29-30 || 'iti' parisamāptau bravīmīti pūrvavat || 7 || iti śrīnemicandrasūriviracitāyāṃ sukhabodhāyāṃ uttarādhyayanalaghuṭīkāyāmurīyaṃ saptamamadhyayanaṃ samāptam || saptamaṃ auraśrīyama dhyayanam | bāla-paṇḍitayoḥ svarūpaṃ phalaṃ ca | - [Previous: p258](https://indike.org/pramana/in.jaina.sveta.mula.2!devendragani.p258) - [Next: p260](https://indike.org/pramana/in.jaina.sveta.mula.2!devendragani.p260) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.28_3) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p259](https://indike.org/pramana/in.jaina.sveta.mula.2!devendragani.p259) · Pramāṇa