[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p274 # Uttarajjhayana p274 Sukhabodhā p274 - **Language:** Sanskrit ### [p274](https://indike.org/pramana/in.jaina.sveta.mula.2!devendragani.p274) kapilakevalinā sādhu thovamaddhāṇaṃ || 6 || purisaṃsayamahilāe, purisassa ya dāhiṇā jahuttaphalā | mahilaṃsapurisamahilāṇa hoti vāmā jahutta- phalā ||7|| ityādi || caḥ sarvatra vāśabdārthaḥ, ye prayuñjate, ko'rthaḥ?–tadabhidhāyakāni śāstrāṇi vyāpārayanti | punaḥ 'ye' ityupādānaṃ lakṣaṇādibhiḥ pṛthaksambandhasūcanārtham | tataśca pratyekamapi lakṣaṇādīni ye prayuñjate na tu samastānyeva, te kim ? ityāha-'na hu' naiva 'te' evaṃvidhāḥ śramaṇāḥ sādhavaḥ 'ucyante' abhidhīyante | iha ca puṣṭā''lambanaṃ vinaitavyāpāraṇe evamucyata iti sūtrārthaḥ || 13 || te caivaṃvidhā yadvāpnuvanti tadāhaiha jīviyaṃ aṇiyamettā, panbhaṭṭhā samāhijoehiṃ te kāmabhogarasagiddhā, uvavajaṃti āsurekāe 14 \_\_ vyākhyā-'iha' janmani 'jīvitam' asaṃyamajīvitam 'aniyamya' dvādaśavidhatapovidhānādinā'niyatrya 'prabhraṣṭāḥ cyutāḥ samādhiḥ-cittasvāsthyaṃ tatpradhānā yogāḥ-śubhamanovākkāyavyāpārāḥ samādhiyogāstebhyaḥ, aniyatritātmanāṃ hi pade | pade taddhaṃśasambhava iti, 'te' anantara muktāḥ kāmabhogeṣu-abhihitasvarūpeṣu raseṣu ca-madhurādiṣu gṛddhāḥ-abhikālāvantaḥ | kāmabhogarasagṛddhāḥ, bhogāntargatatve'pi rasānāṃ pṛthagupādānamatigṛddhiviṣayatākhyāpanārtham , 'upapadyante' jāyante 'āsure' asurasaṃbandhini kāye | idamuktaṃ bhavati–evaṃvidhāḥ kiñcitkādācitkamanuṣṭhānaṃ kurvanto'pyasureṣvevotpadyante iti sūtrārthaḥ || 14 || tato'pi cyutāste kimavāpnuvanti ? ityāha tatto'vi ya uvahittā, saṃsāraṃ bahuṃ aṇupariyataṃti| bahukammalevalittāṇaṃ, bohī hoi sudullabhā tesiṃ || 15|| vyākhyā-tato'pi cāsuranikāyād 'uddhṛtya' niḥsṛtya 'saṃsāraṃ' catugetirūpaṃ 'bahuṃ vipulaṃ "aṇapariyati" 'anupariyanti' sātatyena paryaṭanti | kiñca bahukarmalepaliptānāṃ 'bodhiḥ' pretyajinadharmāvāptirbhavati sadurlabhā 'teṣām' - [Previous: p273](https://indike.org/pramana/in.jaina.sveta.mula.2!devendragani.p273) - [Next: p275](https://indike.org/pramana/in.jaina.sveta.mula.2!devendragani.p275) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.14_6) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p274](https://indike.org/pramana/in.jaina.sveta.mula.2!devendragani.p274) · Pramāṇa