[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p280 # Uttarajjhayana p280 Sukhabodhā p280 - **Language:** Sanskrit ### [p280](https://indike.org/pramana/in.jaina.sveta.mula.2!devendragani.p280) karakaṇḍacaritram | dviyaṃ| parunnā maṇāgaṃ | saṃṭhaviyā ya pavattiṇīe-mahāṇabhāve ! mā kuṇasu cittakheyaṃ, alaṃghaṇīo vihipariṇāmo| jao"vihaḍāvai ghaḍiyaṃ pi hu, vihaḍiyamavi kiṃci saṃghaḍāvei | ainiuṇo esa vihī, jaṃtūṇa suhāsuhakaraṇe ||1||" kiñca"khaṇadivanahavihave, khaṇapariyaṭuṃtavivihasuhadukkhe| khaṇasaṃjogavioge, saṃsāre natthi kiṃ pi suhaṃ || 1 || jeṇaṃ ciya saṃsāro, bahuvihadukkhāṇa esa bhaṃḍāro | teṇaṃ ciya iha dhīrā, apavaggapahaṃ pavajaṃti || 2||" evamāi aṇusāsiyā || saṃvegamuvagayā tāṇa ceva mūle pabaiyā| pucchiyā vi dikkhāe adāṇabhaeṇa gabbho na akkhāo | pacchā nāe| mayahariyāe sabbhāvo kahio| pacchannaṃ dhariyā | pasūyā samāṇī sahanāmamuddāe kaṃbalarayaṇeṇa ya susāṇe chaḍḍei || pacchā susāṇapālageṇa gahio, bhajāe appio| 'avakannio' tti nāma kayaṃ | sā ya ajā tīe pāṇīe samaṃ mittiṃ | karei tti |sā ajjā tāhiṃ saṃjaīhiṃ pucchiyā-kahiṃ gabbho | bhaṇai-mayago jāo to me ujjhio| so tattha saṃvaḍai|| Stāhe dāragarūvehiṃ samaṃ ramai | so tāṇi ḍiṃbharūvāṇi bhaṇai-ahaṃ tubhaṃ rāyā mamaṃ karaṃ deha | so lukkhakacchūe gahio| tāṇi bhaṇai-mamaṃ kaṃḍuyaha | tāhe se 'karakaṃḍu' tti nāmaṃ kayaṃ | so ya tāe saṃjaīe aṇuratto | sā ya se moyae dei || jaṃ vā bhikkhaṃ laṭuṃ lahei | saṃvaḍio so susāṇaṃ rakkhai | tattha do saṃjayā taṃ masāṇaṃ keṇai kāraṇeṇa aigayā jāva egattha vaṃsakuḍaṃge daṃḍaṃ pecchaṃti | tattha ego daṃḍalakkhaṇaṃ jāṇai, jahā-“egapavaṃ pasaṃsaṃti, dupavā kalahakāriyā| tipavā lābhasaṃpannā, caupatvā māraṇaṃtiyā ||1|| paṃcapakvā u jā laṭṭhī, paṃthe kalahanivāriṇī | chapavā ya āyaṃko, sattapatvā arogiyā || 2|| cauraṃgulapaiṭṭhāṇā, aḍhaṃgulasamūsiyā| sattapacā ya jā laṭṭhī, mattagayanivāriṇī || 3 || aṭṭhapavā asaṃpattī, navapavā jasakāriyā | dasapavā u jā laṭṭhī, tahiyaṃ savasaṃpayā || 4 || vaṃkā kīḍakkhaiyā, cittalayā polaḍā ya daḍḍhā ya | laṭṭhī ya ubbhasukkā, vajeyavā payatteṇaṃ || 5|| ghaṇavaddhamāṇapavā, niddhā vanneṇa egavannā ya | emāilakkhaṇa - [Previous: p279](https://indike.org/pramana/in.jaina.sveta.mula.2!devendragani.p279) - [Next: p281](https://indike.org/pramana/in.jaina.sveta.mula.2!devendragani.p281) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.1_8) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p280](https://indike.org/pramana/in.jaina.sveta.mula.2!devendragani.p280) · Pramāṇa