[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p290 # Uttarajjhayana p290 Sukhabodhā p290 - **Language:** Sanskrit ### [p290](https://indike.org/pramana/in.jaina.sveta.mula.2!devendragani.p290) COSYC khāmiyā teṇa mayaṇarehā| bhaṇiyā ya-ajappabhiī bhagiṇī tumaṃ, bhaṇasu iṇhi kiṃ karemi | tīe bhaṇiyaṃ-kayaṃ savaṃ cevā namitae naṃdīsaratitthadaṃsaṇeṇaṃ | puṭṭho ya muṇī-bhayavaṃ! sāhasu mama suyassa pauttiṃ | muṇiṇā bhaṇiyaṃ-suṇasu, jaṃbuddīvassa caritram | puvavidehe pukkhalāvaīvijaye maṇitoraṇaṃ nāma nayaraṃ| tattha ya amiyajaso nāma cakkī āsi | tassa pupphavaībhāriyāe do puttā āsi pupphasīho rayaṇasīho ya | te ya caurāsīpuvalakkhā rajaṃ kāūṇa saṃsāradukkhabhīyā cāraṇasamaṇasamīve pavaiyā | solasaputvalakkhā jahoiyaṃ pavajaṃ kāūṇa āukkhaeṇa accue kappe iṃdasāmāṇiyā bāvīsasāgarovamāū devā uvavannā | tattha ya amarasuhamuva jiūṇa cuyā samāṇā dhāiyasaṃḍabhārahaddhe hariseṇa'ddhacakkavaṭṭiṇo \* samuddadattāe devīe puttā jāyā, egassa sāgaradevo bīyassa sāgaradatto ya nāmaṃ | te ya asāraṃ rajasiriṃ nāūṇa bhayavao bārasamatiloyaguruṇo daḍhasubayassa titthe bahuvolīṇe sugurusamīve nikkhaṃtā, taiyavāsare vijughāeṇa vāvāiyā saṃtā, mahāsukke uvavannā| sattarasasāgarovamāū tattha devasuhaṃ nisevamāṇā garmiti kālaṃ | annayā ya bāvīsaimassa titthayarassa bhayavao kevalimahimāe gayā, tattha ya tehiṃ puṭṭho bhayavaṃ-kattha'mhe cuyā samāṇā uvavajissāmo? | bhayavayā bhaṇiyaṃ-iheva bhārahe mihilāe purīe jayaseṇarāiṇo tumhiko putto bhavissai, bīo uṇa sudaṃsaṇapure jugabāharāiṇo mayaṇarehāe bhāriyāe putto bhavissai, paramatthao piyāputtā bhavissaha tti | evaṃ soūṇa gayā kappaṃ | tathiko cuo paḍhamaṃ videhājaṇavae mahilāe purīe jayaseṇarāiṇo vaṇamālāe devīe ganbhe uvavanno | jāo kālakameṇaṃ | kayaṃ tassa nāmaṃ paumaraho tti | jovaṇatthassa ya jaṇao rajaṃ dāūṇa pavajaṃ paḍivanno | so ya paumaraho mahārāyāhivo jāo| pupphamālā nāma ghariṇī | tassa ya rajaṃ aṇupālaṃtassa vaccai kālo| bīyadevo caiūṇa āukkhaeṇa tujjha taṇao jāo| so ya paumaraho vivarīyasikkhāseṇa avahariūṇa aḍaviṃ pavesio | tattha ya u0a024 - [Previous: p289](https://indike.org/pramana/in.jaina.sveta.mula.2!devendragani.p289) - [Next: p291](https://indike.org/pramana/in.jaina.sveta.mula.2!devendragani.p291) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.1_8) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p290](https://indike.org/pramana/in.jaina.sveta.mula.2!devendragani.p290) · Pramāṇa