[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p293 # Uttarajjhayana p293 Sukhabodhā p293 - **Language:** Sanskrit ### [p293](https://indike.org/pramana/in.jaina.sveta.mula.2!devendragani.p293) | rāyā rajasiriṃ pālemāṇo gamei kālaṃ| io ya so maṇiraho tīe ceva rayaṇīe phaṇiṇā daṭṭho kālagao cautthīe navamaṃ puḍhavīe neraio uvavanno tti | tao caṃdajaso sāmaṃtehiṃ maṃtīhi ya rāyā ṭhavio| te ya bhāyaro do vi sakāriyā | namipravacaṃdajaso rajjasiriṃ pālei | jyā''khya\_\_\_ annayā ya namisaṃtio sayalarajjappahāṇo dhavalahatthī ālāṇakhaṃbhaṃ bhaṃjiūṇa vijjhāḍaīe sammuhaṃ patthio| so yāmadhyayanam | sudaṃsaṇapurassa samīveṇa vaccai | caṃdajasarāiṇo turayavāhiyālīe gayassa diṭṭho maṇussehiṃ, kahio rāiṇo| teṇax gahiūṇa nayaraṃ pavesio, tattha ciṭṭhai | cārapurisehiṃ nāūṇa namirāiṇo sāhiyaṃ-jahā dhavalahatthī caṃdajaseṇa gahio | namiciṭṭhai, devo pamāṇaṃ ti| namirāiṇā caṃdajasassa dūo pesio imeṇattheṇa-jahesa dhavalahatthī mama saṃtio, evaṃ caritram| |pesaha | caṃdajasassa dūeṇa gaṃtūṇa sāhiyaṃ namivayaṇaṃ | caṃdajaseṇa bhaṇiyaṃ-na kassai rayaṇāṇi akkharalihiyāṇi, jo ceva baleṇa ahio bhavai tasseva bhavaṃti | avi ya-"ko dei ? kassa dijai ?, kamāgayā kassa kassa va nibaddhā ? | vikkamasārehi jae, bhujai vasuhā nariṃdehiṃ || 1||" tao asammāṇiyapūio āgao dūo mihilaṃ | sāhiyaṃ nariṃdassa caṃdajasavayaṇaṃ | kuvio sababaleṇa calio namī caṃdajasovariṃ| io ya caṃdajaso namirāyaṃ āgacchamāṇaṃ nāūṇa balasamaggo nīharaṃto sammuhaṃ avasauṇeṇa nivārio| tao maṃtīhiṃ bhaṇio caṃdajaso-tāva | gourāī pihiūṇa ciṭṭhasu, puṇo kāloiyaṃ nāūṇa cihissāmo| tao rāiṇā 'taha' tti kayaṃ | evaṃ ca namirāiṇā āṃgatūṇa rohiyaṃ cauddisiṃ nayaraṃ | logapāraṃparao nisuyaṃ subayajjāe, ciṃtiyaṃ ca-mā jaṇavayakkhayaṃ kāūṇa aharagaī ||140|| vaccaṃtu, tā do vi gaṃtūṇa uvasamāvemi | gaṇiṇīe aṇunnāyā sāhuṇisahiyā gayā sudaṃsaṇapuraṃ| diṭṭho ya ajāe namirāyā| dinnaṃ paramamāsaṇaṃ | vaṃdiūṇa namī uvaviṭṭho dharaṇīe | sāhio ajjāe asesasuhakārao jiṇiṃdappaṇīo BOX - [Previous: p292](https://indike.org/pramana/in.jaina.sveta.mula.2!devendragani.p292) - [Next: p294](https://indike.org/pramana/in.jaina.sveta.mula.2!devendragani.p294) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.1_8) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p293](https://indike.org/pramana/in.jaina.sveta.mula.2!devendragani.p293) · Pramāṇa