[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p297 # Uttarajjhayana p297 Sukhabodhā p297 - **Language:** Sanskrit ### [p297](https://indike.org/pramana/in.jaina.sveta.mula.2!devendragani.p297) śrīucarādhyayanasūtre śrīnemica ndrīyā sukhabodhā khyā laghuvṛtiḥ | •OXOXOXOXCXCXCXCXXCXCXX 1 iyarīe bhaṇiyaṃ so vi tāva jāṇai kuo ettha tāva sihīṇamāgamo ? kaha vi āṇīyaṃ hojā to vi tāva diṭṭhīe nirakkhijjā | rāiṇā bhaṇiyaṃ - saccaṃ mukkho ahaṃ cauttho pāo āsaṃdayassa | rāyā tīe vayaṇavinnāsaṃ soūṇa dehalāvaṇṇaṃ ca picchiṇā'ṇuratto | kaṇayamaṃjarī vi jaṇayaṃ bhuṃjāvittā gayā sahiṃ | suguttābhihāṇamaṃtimuddeṇa maggio cittaṃgao kaṇayamaṃjarī rāiṇā | teṇa bhaṇiyaṃ — amhe dariddiṇo, kahaṃ vivāhamaṃgalaṃ ranno ya pūyaṃ karemo ? | kahiyameyaṃ rāiṇo | | teṇāvi dhaṇadhannahirannāīṇa bharāviyaṃ cittaṃgayassa bhavaṇaṃ | pasatthe tihimuhutte mahāvibhūīe vivāhiyā kaṇayamaṃjarī | viinno tīe pāsāo mahaṃto dāsīvaggo ya | tassa ya rāiṇo aṇegāo mahādevīo, egegā vāraeṇa rayaṇīe rāiṇo vāsabhavaṇe āgacchai | tammi ya diyahe kaṇayamaṃjarī āṇatā | gayā alaṃkiyavibhūsiyā mayaṇiyāe dāsaceḍīe samaṃ | uvaviṭṭhā āsaṇe | itthaṃtare āgao rāyā | kayamabbhuṭṭhāṇāiyaṃ viṇayakammaṃ | nisanno sejjāe rāyā | io ya putrameva kaṇayamaṃjarīe mayaṇiyā bhaṇiyā āsi - rāiṇo nivannassa ahaṃ tae akkhāṇayaṃ puccheyavā jahā rāyā suṇei | ao mayaṇiyāe etthāvasare bhaṇiyaṃ - sāmiṇi ! jāva rāyā pavaḍhai tāva kaddehi kiṃci akkhāṇayaṃ | iyarīe bhaṇiyaṃ - mayaṇie ! tāva rāyā niddāe suvau tao kahissaṃ | rāiṇā ciṃtiyaṃ – kerisaṃ puṇa imā akkhāṇayaṃ kahei ? ahaṃ pi suṇemi tti aliyapattaṃ kathaṃ | mayaṇiyāe bhaṇiyaṃ - sāmiṇi ! pasutto rāyā, kaddesu akkhāṇayaṃ | iyarīe bhaṇiyaṃ — suṇasu, vasaṃtapuraṃ nayaraṃ | varuṇo seṭṭhī | teṇa egakhaṃḍapāhāṇamayā deuliyā kārāviyā hatthappamāṇā | tīe cauhattho devayāviseso kao | mayaṇiyāe bhaṇiyaṃ - sāmiṇi ! kahūṃ egahatthappamāṇāe deuliyāe cauhattho devo māu ? ti | iyarīe bhaṇiyaṃ — niddāiyā saṃpayaṃ, kalaṃ kahissaṃ | ' evaṃ hou' tti bhaṇiūṇa niggayā mayaṇiyā gayā sagihaṃ | rāiṇo ko uhalaṃ jāyaṃ - kimeyamerisaṃ ? ti, nivannā ya esā | jāva bīyadiṇe vi tīe ceva vārao āṇatto | jāva taddeva mayaṇiyāe bhaṇiyā - sāmiṇi ! navamaṃ namivajyā''khyamadhyayanam | naggaticaritram | - [Previous: p296](https://indike.org/pramana/in.jaina.sveta.mula.2!devendragani.p296) - [Next: p298](https://indike.org/pramana/in.jaina.sveta.mula.2!devendragani.p298) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.1_8) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p297](https://indike.org/pramana/in.jaina.sveta.mula.2!devendragani.p297) · Pramāṇa