[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p318 # Uttarajjhayana p318 Sukhabodhā p318 - **Language:** Sanskrit ### [p318](https://indike.org/pramana/in.jaina.sveta.mula.2!devendragani.p318) capalakuṇḍalaḥ sa cāsau kirīṭī va mukuṭavān lalitaca palakuṇḍalakirīṭīti sūtrārthaḥ || 60 || sa śakreṇaivamabhiṣṭrayamānaḥ kimutkarṣaṃ kṛtavān uta na ? ityāha namī namei appāṇaṃ, sakkhaṃ sakkeṇa cohao | caiūṇa gehaṃ vaidehī, sāmanne pajjuvaḍio || 61 || vyākhyā – namiḥ 'namayati' svatattvabhāvanayā prahvaṃ karoti, kam ? ātmānaṃ na tu utsekaṃ nayati | uktañca - " - "saṃtaguṇakittaṇeṇa vi, purisā lajjaṃti je mahāsattā | iyare puṇa aliyapasaṃsaṇe vi aṃge na māyaṃti || 1 || " kimbhūtaḥ san ? 'sākṣāt' pratyakṣībhūya śakreṇa 'coditaḥ' preritaḥ tyaktvā gehaṃ “vaidehi” tti sūtratvāt 'videhī' videhajanapadādhipaḥ śrāmaṇye 'paryupasthitaḥ ' udyataḥ, na tu tatpreraṇāto'pi dharmaṃ prati vipluto'bhūditi sūtrārthaḥ || 61 || kimeṣa evaivaṃvidha uta anyo'pi ? ityāha evaṃ kareṃti saṃbuddhā, paṃḍiyā paviyakkhaṇā | viṇiyadvaṃti bhogesu, jahā se ṇamī rāyarisi || 62 || tti bemi || vyākhyā - evami' ti yathaitena naminā niścalatvaṃ kṛtaṃ tathā'nye'pi kurvanti | kīdṛśāḥ ? - 'sambuddhāḥ ' avagatajīvā'jīvāditattvāḥ 'paṇḍitāḥ' suniścitaśāstrārthāḥ 'pravicakṣaṇāḥ' abhyāsātiśayāt kriyāṃ prati prāvīṇyavantaḥ, tathāvidhāśca santaḥ kiṃ kurvanti ? 'vinivarttante' uparamanti “bhogesu” tti bhogebhyaḥ, yathā sa namī rājarṣistebhyo nivṛttaḥ, iti bravīmīti pūrvavaditi sūtrārthaḥ || 62 || || iti śrīnemicandrasūrivinirmitāyāṃ uttarādhyayanalaghuṭīkāyāṃ sukhabodhāyāṃ namipravrajyākhyaṃ navamamadhyayanaṃ samāptam || 1 “sadguṇakīrtanenā'pi, puruṣā lajjante ye mahāsattvāḥ | itare punaralīkapraśaṃsane'pi aṅge na mānti || 1 ||” XOXOXCX namirājarṣeḥ sautrīvaktavyatā | - [Previous: p317](https://indike.org/pramana/in.jaina.sveta.mula.2!devendragani.p317) - [Next: p319](https://indike.org/pramana/in.jaina.sveta.mula.2!devendragani.p319) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.9_9) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p318](https://indike.org/pramana/in.jaina.sveta.mula.2!devendragani.p318) · Pramāṇa