[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p324 # Uttarajjhayana p324 Sukhabodhā p324 - **Language:** Sanskrit ### [p324](https://indike.org/pramana/in.jaina.sveta.mula.2!devendragani.p324) gautamasvāmivaktavyatā| kaṃcaṇā paṃcasamiyā tiguttā amamā amaccharā jiiṃdiyā jiyakasāyā nimmalabaṃbhacerā sajjhāyajjhāṇujayā ducaratavacaraṇarayā aṃtāhārā paṃtāhārā sukkhā bhukkhā nimmaṃsasoṇiyā kisiyaṃgā niraggisaraṇā kukkhisaṃbalā aniyayabhikkhāvittiṇo tti | tesiṃ abbhuṭṭhāṇa-aṃjalipaggaha āsaṇadāṇā-'miggaha-kiyakamma-sussūsaṇā-'bhimuhagamaṇā-'ṇugacchaṇa-paḍilāhaṇa-kusalamaṇakusalavaipavattaṇāīhiṃ kāyabā bhattī| etthaṃtare vesamaṇo ciṃteha-esa bhayavaṃ erise sāhuguṇe bannei?, appaṇo ya se imā sarīrasukumārayā jārisā devāṇa vi natthi, tā aṃtāhārā paṃtāhārā iñcāiparūvaṇāe visaṃvāiṇiṃ ceḍha imassa sarīrāgiī sūei | taṃ ca tassākūyaṃ nāṇeṇa nāūṇa bhayavaṃ 'mā aṇeṇa akusalapariṇāmeṇa esa dullahabohio havau' tti aṇusāsaṇanimittaṃ \*savasattahiyarao puṃḍariyaṃ nāma'jjhayaṇaṃ parūvei-jahā pokkhalāvaīvijae puṃḍarigiṇī nayarī | naliṇīgummamujāṇaṃ || tattha ṇaṃ mahāpaume nāma rāyā hotthā | paumāvaī devī | tāṇaṃ do puttā puṃḍaṇae kaṃḍarie ya sukumārā jāva paḍirūvā | puṃḍarie juvarāyā vi hotthā | | teṇaṃ kāleṇaṃ teṇaṃ samaeṇaṃ therā bhagavaṃto jāva naliṇivaṇe ujjāṇe samosaḍhā, mahāpaume niggae dhamma soccā | bhaṇai-jaṃ navaraṃ devāṇuppiyā ! puṃḍariyaṃ kumāraṃ rajje ṭhavemi tāva vayagaṇeṇaṃ saphalīkaremi maṇuyattaṇaṃ | ahāsuhaṃ mā paḍibaṃdha karehi | evaṃ jāva puṃḍarie rāyā jāe jāva viharai, tate ṇaṃ se kaṃḍaṇae kumāre juvarāyā jāe| tate ṇaṃ se paume rāyā puṃḍariyaṃ rāyaṃ āpucchai | tate ṇaṃ se puṃḍarie siviyaṃ nīṇei | jāva pavaie ṇavaraṃ codasa puvāī ahijai || |bahūhiṃ chaha-'hamamahātavovahāṇehiṃ bahūṇi vāsāṇi sāmaṇṇamaṇupāleūṇa māsiyāe saṃlehaṇāe sāha bhattāī jhosettā jāva siddho | annayā te therā puvāṇupuri jāva puṃḍarigiṇīe samosaḍhā | parisā niggayā | tae ṇaṃ se puṃḍarie kaṃḍarieṇaṃ juvaranā saddhiṃ imīse kahāe laddhaḍhe samāṇe jāva gae dhammakahāe jāva se puṃḍarie sāvagadhamma paḍivanne jāva paḍigae | - [Previous: p323](https://indike.org/pramana/in.jaina.sveta.mula.2!devendragani.p323) - [Next: p325](https://indike.org/pramana/in.jaina.sveta.mula.2!devendragani.p325) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.1_9) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p324](https://indike.org/pramana/in.jaina.sveta.mula.2!devendragani.p324) · Pramāṇa