[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p326 # Uttarajjhayana p326 Sukhabodhā p326 - **Language:** Sanskrit ### [p326](https://indike.org/pramana/in.jaina.sveta.mula.2!devendragani.p326) Ke yāsittae ti| tanno khalu jāyā! amhe icchāmo tubbhaṃ khaṇamavi vippaogaṃ, taṃ acchāhi tāva jāyā! aṇubhavāhi rajasiriṃ gautamasvāmipacchā pavaihisi | tae ṇaṃ se kaṃḍarīe evaṃ vayāsī-taheva ṇaṃ taṃ devāṇuppiyā! jaṇaṃ tubbhe vayaha, kiṃ puṇa devāṇuppiyā ! vaktavyatā| niggaṃthe pāvayaṇe kīvāṇaṃ kāyarāṇaṃ kāpurisāṇaṃ ihaloyapaḍibaddhāṇaṃ paraloyaparammuhāṇaṃ visayatisiyāṇaṃ duraṇucare dhīrajaṇassa nicchiyassa no khalu etthaṃ kiṃci dukkaraṃ karaṇāe, taṃ icchāmi ṇaṃ devāṇuppiyā! jāva pavaittae tti | tae ṇaṃ kaṃḍariyaṃ puṃḍarie rāyā jāhe no saṃcāei bahūhiṃ āghavaṇāhi ya āghavittae vā tāhe akāmae ceva nikkhamaṇaṃ aṇumannitthā | tae ṇaṃ se puṃḍarie koḍuṃbiyapurise sahāvei, saddāvettā evaṃ vayāsī-jahā mahagdhaṃ maharihaṃ nikkhamaṇamahimaṃ kareha jāva pavaio| tato sāmāiyamāiyāiṃ ekkārasa aṃgāī ahijjai, bahūhiṃ cauttha-chaṭṭha-'ṭṭhamāīhiṃ tavovihāṇehiṃ jāva viharai | annayā tassa kaṃḍarīyassa aṃtehiṃ paṃtehi ya jāva rogāyaṃke pāubbhūe jāva dāhavakkaṃtīe yāvi viharai | tae ṇaṃ se therā bhagavaṃto annayā kayāi puvāṇupuri caramāṇā gāmāṇugāmaṃ viharamāṇā puṃḍarigiṇīe nayarīe naliṇivaṇe samosaḍhā | tae ṇaṃ se \* puṃḍarīe rāyā imīse kahāe laddhaḍhe samāṇe jāva pajuvāsai | patthuyā dhammakahā bhayavayā | tae ṇaṃ se puṃḍarie rāyā dhamma soccā jeṇeva kaṃḍarie rāyarisī teṇeva uvāgacchai, kaṃḍarīyaṃ vaṃdai namasai, kaṃḍarīyassa sarīraṃ savābāhaṃ saruyaṃ pāsai 2 jeṇeva therā teṇeva uvāgacchai, there vaṃdai, evaṃ vayāsī-ahannaṃ bhaṃte ! kaṃḍarīyassa aṇagārassa ahāpatrattehiṃ | tigicchiehiṃ phāsuesaṇijjehiṃ osahabhesajjabhattapāṇehiṃ tigicchaṃ āuṭṭāmi, tubbhe ṇaṃ bhaṃte ! mama jāṇasālāsu samavasaraha | tae ṇaṃ therā puṃḍarīyassa ranno eyamajhu paḍisuṇiti 2 jāva jāṇasālāsu viharati | tae ṇaṃ se puṃḍarīe kaṃḍarī yassa tigicchaṃ āuṭṭei | tate ṇaṃ taṃ maṇunnaṃ asaṇaṃ 4 āhāraṃtassa samāṇassa se rogāyaṃke khippāmeva uvasaṃte haḍhe jāe| Xāroge baliyasarīre| tate ṇaṃ se therā rāyāṇamāpucchittā abbhujjayavihāreṇa viharati | se rogāyaṃkāo vippamukke vi samāṇe u0 a027 - [Previous: p325](https://indike.org/pramana/in.jaina.sveta.mula.2!devendragani.p325) - [Next: p327](https://indike.org/pramana/in.jaina.sveta.mula.2!devendragani.p327) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.1_9) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p326](https://indike.org/pramana/in.jaina.sveta.mula.2!devendragani.p326) · Pramāṇa