[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p32 # Uttarajjhayana p32 Sukhabodhā p32 - **Language:** Sanskrit ### [p32](https://indike.org/pramana/in.jaina.sveta.mula.2!devendragani.p32) marijjā vā ||3|| ātmārtha-svaprayojanaṃ, parārthaṃ vā-paraprayojanam , ubhayasya-ātmanaḥ parasya ca prayojana iti gamyam , antareṇa vā-vinā vā prayojanameveti sūtrārthaḥ || 25 || itthaṃ svagatadoṣaparihāramabhidhāyopādhikṛtadoṣaparihāramāha samaresu agāresu, saṃdhisu ya mahāpahe | ego egitthīe saddhiṃ, neva ciṭṭe na saṃlave ||26|| vyākhyā-samareṣu-kharakuṭīṣu, tathā ca cūrṇikṛt-'samaraṃ nāma jattha lohārā hehākammaṃ kareṃti'| nīcāspadānāmupalakṣaṇametat | agāreṣu-gṛheṣu gṛhasaṃdhiṣu-gṛhadvayāpāntarāleṣu mahāpathe-rājapathādau, ekaḥ-asahāyaḥ ekastriyā sādhaṃ-saha naiva tiṣṭhet naivovasthānastho bhavet , na saṃlepat-na tayaiva saha saṃbhāṣa kuryāt | atyantaduṣṭatodbhāvanaparaṃ caikagrahaṇam , anyathā sasahāyasyā'pi sasahāyayā'pi striyā sahā'vasthānaṃ saṃbhāṣaṇaṃ caivaṃvidhāspadeṣu doṣāyaiva, pravacanamālinyādidoṣasaṃbhavāt | uktañca-mātrā svasrā duhitrā vā, na viviktāsano bhavet | balavānindriyagrāmaḥ, paṇḍito'pyatra muhyati || 1|| iti sūtrārthaḥ || 26 || kadācit skhalite ca gurumiḥ śikṣito yat kuryāt tadāha jaṃ me buddhā'ṇusāsaṃti, sīeṇa pharaseṇa vā | mama lābhu tti pehāe, payao taṃ paḍissuṇe||27|| vyākhyā-yanmāṃ buddhā anuśāsanti-śikṣayanti, śītena-upacārācchītalenā''hādakenetyarthaḥ, paruṣeṇa vā-karkaśena vacaseti gamyate, mama lābhaḥ-aprāptārthaprāptirūpo'yaṃ yanmāmanācārakāriṇamamī śāsantīti prekṣayā-evaṃvidhabuddhyā, prayatnaḥ-prayatnavāṃstat-anuśāsanaṃ pratiśṛṇuyāt-vidheyatayā aṅgīkuryāditi sūtrārthaḥ || 27 || kimiha paratra cā'tyantopakāri guruvacanamapi kasyacidaniṣṭaṃ syād yenaivamupadiśyate ityāha 1 samaraṃ nāma batra lohakārāḥ adhaḥkarma kurvanti | - [Previous: p31](https://indike.org/pramana/in.jaina.sveta.mula.2!devendragani.p31) - [Next: p33](https://indike.org/pramana/in.jaina.sveta.mula.2!devendragani.p33) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.74.1.26-27) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p32](https://indike.org/pramana/in.jaina.sveta.mula.2!devendragani.p32) · Pramāṇa