[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p337 # Uttarajjhayana p337 Sukhabodhā p337 - **Language:** Sanskrit ### [p337](https://indike.org/pramana/in.jaina.sveta.mula.2!devendragani.p337) bhinnakrama, tato durlabhaiva, kimiti ? yataḥ 'kutīrthiniṣevakaḥ' śākyaulūkyā dikupākhaṇḍiparyupāsakaḥ 'janaḥ' lokaḥ, kutīrthino hi lābhādyarthino yadeva prāṇināṃ priyaṃ tadevopadiśanti tattīrthakṛtāmapyevaṃvidhatvāt | uktaṃ hi - "satkārayaśolābhārthibhiśca mūḍhairihānyatīrthakaraiḥ | avasāditaṃ jagadidaṃ priyāṇyapadhyānyupadiśadbhiḥ || 1 ||" iti || sukaraiva teṣāṃ sevā, tatsevināṃ ca kuta uttamadharmmaśrutiḥ 1, ataḥ samayamapi gautama ! mā pramādīḥ | kiñca - labdhvā'pi uttamāṃ 'śrutim' uttamadharmmaśravaṇātmikāṃ śraddhānaṃ punarapi durlabham iha hetumāha – midhyātvaniṣevakaḥ janaḥ, anādibhavābhyāstayā gurukarmmatayā ca tatraiva prāyaḥ pravṛtteḥ, ataḥ samayamapīti pūrvavat || anyaśca 'dharmmamapi' prakramāt sarvajñapraṇītam 'api ' bhinnakramaḥ 'huḥ' vākyālaṅkāre, tataḥ śraddadhato'pi karttumabhilaṣato'pi durlabhakāḥ 'kāyena' śarīreṇa 'sparśakā : ' anuṣṭhātāraḥ, kāraṇamāha – 'iha' asmin jagati 'kāmaguṇeṣu' śabdādiṣu 'mūrcchitāḥ' gṛddhā jantava iti śeṣaḥ | prāyeṇā'pathyeṣvabhiṣvaṅgaḥ prāṇinām | yata uktam — “prāyeṇa hi yadapadhyaṃ, tadeva cā''turajanapriyaṃ bhavati | viṣayāturasya jagato, yathānukūlāḥ priyā viṣayāḥ || 1 ||” yataścaivamato durāpāmimāṃ sāmagrīmavāpya samayamapi gautama ! mā pramādīriti sūtrapacakārthaḥ || anyacca sati śarīrasāmarthya dharmasparśaneti tadanityatābhidhānadvāreṇāpramādopadeśamāha - parijūraha te sarīrayaṃ, kesā paṃḍurayā havaṃti te | se soyabale ya hāyaī, samayaṃ goyama ! mā pamāyae || 21 || parijūraha te sarīrayaṃ, kesā paṃḍurayā havaṃti te | se cakkhubale ya hāyaī, samayaṃ goyama ! mā pamāyae || 22 || daśamaṃ druma patrākhya madhyayanam | apramādārtha vīraprabhoranu śāsanam | - [Previous: p336](https://indike.org/pramana/in.jaina.sveta.mula.2!devendragani.p336) - [Next: p338](https://indike.org/pramana/in.jaina.sveta.mula.2!devendragani.p338) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.21_5) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p337](https://indike.org/pramana/in.jaina.sveta.mula.2!devendragani.p337) · Pramāṇa