[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p342 # Uttarajjhayana p342 Sukhabodhā p342 - **Language:** Sanskrit ### [p342](https://indike.org/pramana/in.jaina.sveta.mula.2!devendragani.p342) vyākhyā-'abala:' avidyamānaśarīrasāmarthya: 'yatheti aupamye, bhāraṃ vahatīti bhāravāhakaḥ, 'mā' niṣedhe "magge" tiapramādārtha mārga "visame" tti 'viṣama' mandasattvairdustaraṃ "avagāhiya" tti 'avagāhya' praviśya tyaktāṅgīkṛtabhāraḥ sanniti gamyate, | tabhāra samiti gamyate. vīraprabhoranu'paścāt' tatkālānantaraṃ 'paścādanutāpakaḥ' paścāttāpakṛt , bhūriti śeṣaḥ | idamuktaṃ bhavati-yathā kaścid deśāntaragato śāsanam | bahubhirupāyaiḥ svarṇādikamupāya̭ svagṛhābhimukhamāgacchannatimīrutayā anyavastvantarhitaṃ svarṇādikaṃ svaśirasyāropya katicid | dināni samyagudvahati, anantaraṃ ca kacidupalādisaṅkale pathi 'aho! ahamanena bhāreṇā''krāntaḥ' iti tamutsṛjya svagṛhamāgato'tyantanirdhanatayā'nutapyate-kiṃ mayā mandabhāgyena tat parityaktamiti | evaṃ tvamapi pramādaparatayā tyaktasaṃyamabhāraḥ sannevaṃvidho mā bhūḥ, kiṃtu samayamapi gautama! mā pramādīriti sūtrārthaḥ || 33 || bahnidamadyāpi nistaraṇīyamalpaṃ ca al nistīrṇamityabhisandhinotsāhabhaṅgo'pi syāditi tadapanodāyāha tinno hu si annavaṃ mahaṃ, kiṃ puṇa ciṭṭhasi tīramāgao| abhitura pāraṃ gamittae, samayaṃ goyama! mā pamāyae || 34|| vyākhyā-"tinno hu si" tti tīrṇa evā'si, arṇavamivā'rṇavaṃ “mahaṃ" ti 'mahāntaṃ' gurum , 'kimiti praśne, 'punariti vākyopanyāse, tataḥ kiṃ punastiṣṭhasi 'tīra' pāraṃ 'āgataḥ' prāptaḥ? | kimuktaṃ bhavati ?-saṃsāraḥ bhavaḥ karma vā bhāvato'rṇava ucyate, sa ca dvividho'pi tvayottīrṇaprāya eveti kena hetunā tīraprāpto'pyaudāsīnyaṃ bhajase? naivedaṃ tavocitamityāśayaḥ | kintu "abhitura" tti abhi-ābhimukhyena tvarasva-śīghro bhava 'pāraṃ' paratīraṃ bhāvato muktipadaṃ "gamittai" tti gantum , ataśca samayamapi gautama! mā pramādīriti sūtrārthaḥ ||34|| athāpi syāt-mama pāraprāptiyogyataiva na samasti ata āha - [Previous: p341](https://indike.org/pramana/in.jaina.sveta.mula.2!devendragani.p341) - [Next: p343](https://indike.org/pramana/in.jaina.sveta.mula.2!devendragani.p343) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.34_3) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p342](https://indike.org/pramana/in.jaina.sveta.mula.2!devendragani.p342) · Pramāṇa