[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p352 # Uttarajjhayana p352 Sukhabodhā p352 - **Language:** Sanskrit ### [p352](https://indike.org/pramana/in.jaina.sveta.mula.2!devendragani.p352) bahuśrutastavaḥ| rūpeṇa nāndīghoṣeṇopalakṣitaḥ paratīrthibhiratīva madāvaliptairapi nābhibhavituṃ śakyaḥ, na cā'tra pratipattiḥ tadāśrito'nyo'pi kathañcijīyata iti sūtrārthaḥ || 17 || jahā kareṇuparikinne, kuṃjare sahihāyaṇe | balavaṃte appaḍihae, evaṃ havai bahussue ||18|| vyākhyā-yathā kareṇuparikīrṇaḥ-hastinībhiḥ parivṛtaḥ 'kuñjaraḥ' hastī, ṣaṣṭiāyanānyasyeti ṣaṣṭihāyana' ṣaṣṭivarṣapramāṇaḥ, tasya hi etāvatkālaṃ yāvat prativarṣa balopacayaḥ tatastadapacaya ityevamuktam , ata eva ca "balavaṃte" tti balaṃ śarīrasāmarthyamasyāstīti balavān san apratihato bhavati, ko'rthaḥ 1-nā'nyairmadotkaṭairapi mataṅgajaiḥ parāṅmukhīkriyate | alevaṃ bhavati bahuśrutaḥ| so'pi hi kareṇusadṛśībhiḥ paraprasaranirodhinīmirautpattikyādibuddhibhirvidyābhiśca vividhābhirvṛtaḥ ṣaṣṭihāyanatayā cātyantasthiramatiḥ, ata eva ca balavattvenāpratihato bhavati, darśanopahantṛbhirna pratihantuṃ śakyata iti sūtrārthaḥ || 18 || anyacca\_\_\_ jahā se tikkhasiṃge, jāyakkhaṃdhe virāyai | vasahe jūhāhivaī, evaṃ havai bahussue || 19|| vyākhyā-yathā sa tīkṣṇe-niśitāne śṛṅge-viṣāṇe yasya sa tathā, jātaḥ-atyantamupacitībhūtaḥ skandho'syeti jātaskandhaḥ, samastāṅgopāṅgopacitatvopalakṣaṇaṃ caitat , virājate 'vṛṣabhaḥ' pratītaḥ, yūthasya-gavāṃ samūhasya adhipatiḥ-svāmī sa tathā, evaṃ bhavati bahuśrutaḥ| so'pi hi parapakṣabhettatayā tīkṣṇābhyāṃ svaśāstraparaśāstrābhyāṃ śṛṅgatulyābhyāmupalakṣito gacchādigurukāryadhurādharaṇadhaureyatayā ca jātaskandhaḥ, ata eva yūthasya-sādhvādisamūhasya adhipatiḥ-ācāryādipadavīṃ gataḥ san virājate iti sūtrārthaḥ || 19 || anyacca jahā se tikkhadāḍhe, odagge duppahaṃsae | sīhe miyāṇa pavare, evaṃ havai bahussue ||20|| - [Previous: p351](https://indike.org/pramana/in.jaina.sveta.mula.2!devendragani.p351) - [Next: p353](https://indike.org/pramana/in.jaina.sveta.mula.2!devendragani.p353) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.19_8) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p352](https://indike.org/pramana/in.jaina.sveta.mula.2!devendragani.p352) · Pramāṇa