[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p361 # Uttarajjhayana p361 Sukhabodhā p361 - **Language:** Sanskrit ### [p361](https://indike.org/pramana/in.jaina.sveta.mula.2!devendragani.p361) oC śrīuttarādhyayanasūtre śrīnemica dvādaśaṃ harikeśīyākhyamadhya. yanam | ndrīyā sukhabodhākhyā laghuvṛttiḥ | harikeśacaritram| saha gayā jakkhāyayaṇaṃ | pūiūṇa ya jakkhapaḍimaṃ payāhiṇaṃ kuṇaṃtīe diṭṭho malamailiyasavaṃgo junnamaliṇovagaraṇo paṇaṭṭharūvalāvanno aidūsahatavasosiyasarīro muṇī | taṃ ca daṭṭaṇa mūḍhattaṇao nicchūḍhamaṇāe | 'pāvā esā, jā maharisiṃ nidei' tti bhāviteṇa ahiṭṭhiyā jakkheṇa asamaṃjasāiṃ vilaviuṃ payattā | kaha kaha vi nīyā maṃdiraṃ | taṃ tahāvihaṃ daṭṭhaṇa visanna citteṇa rāiṇā vāharāviyā gāruḍiyā bhoiyabhaṭṭacaṭṭāiṇo tti| avi ya-jo varaḍi pi na yāṇai, naravaiṇā so vi X tattha vāhario | nehāulāṇa ahavā, kettiyamettaṃ tu purisāṇaṃ? ||1|| tao samāḍhattā dhanaṃtarivinbhamehiṃ vejjehiṃ cau ppagārā kiriyā | na jāo viseso| puṇo vi pauttā jaṃtataṃtarakkhāmaṃḍalāiṇo | te vi ūsarabhūminihiya va bīyā jāyā all niṣphala tti | avi ya-iya jāhe vigguttā, sadhe vijāiṇo tao jakkho | jaṃpai pattammi ṭhio, eyāe. niṃdio sāhū ||1|| to jai ṇavaraṃ tasseva deha muṃcāmi na'nnahā mokkho | rannā vi jīvau tti ya, paḍivannaṃ jakkhavayaṇaṃ tu ||2|| tao samāsatthasarīrā sabālaṃkāravibhūsiyā gahiyavivāhovagaraṇā sahisahiyā mahāvibhūīe gayā maharisiṇo samīvaṃ, pāyavaḍaṇapañcuṭṭhiyāe ya vinnattamaṇāe saha mahallaehiṃ-maharisi! giṇhasu majjha sayaṃvarāe karaṃ kareṇaṃ ti | muṇiṇā bhaṇiyaṃbhadde ! alaṃ eyāe saṃkahāe buhajaṇapariniṃdiyāe | avi ya-itthīhiṃ samaṃ vāsaṃ, pi je na icchaṃti egavasahīe | kaha te ṇiyayakarehi, ramaṇīṇa kare gahissaṃti ? ||1|| siddhivahubaddharāgā, asuīpunnāsu kaha ṇu juvaīsu | rajati mahāmuṇiṇo, gevejayavāsideve va ? ||2|| tato saṃjāyā'mariseṇa jakkheṇa pacchāiūṇa risirūvaṃ viuruviūṇa nāṇāviharūvāṇi ochūḍhā, | velaviyā sarva pi rayaṇiṃ | pabhāyasamae sumiṇamiva mannamāṇā vimaṇadummaṇā pariyaṇāṇugammamāṇā gayā piusamīvaṃ | pavisaṃtī bhaṇiyā rāiṇo purao uvaladdhavuttaṃteṇa ruddadevapurohieṇa-deva ! isipattī esā, teṇa mukkā baṃbhaṇāṇa hoi | tao 'imaṃ ceva ettha pattayālaṃ' ti mannamāṇeṇa dinnā tasseva rāiṇā | avi ya-pāvanimittaṃ kāuṃ, jā risiṇā ujjhiyā ||174|| XOXOXOXE - [Previous: p360](https://indike.org/pramana/in.jaina.sveta.mula.2!devendragani.p360) - [Next: p362](https://indike.org/pramana/in.jaina.sveta.mula.2!devendragani.p362) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.1_11) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p361](https://indike.org/pramana/in.jaina.sveta.mula.2!devendragani.p361) · Pramāṇa